~*¤®§(*§ ملتقى المغتربات في استراليا الجزء السابع§*)§®¤*~

حياك الله اختي الغالية اهلا وسهلا فيك وحنا معاك لاي سؤال ومساعده انا من ادلايد هذه السنه الثانية لي وحنا في الخدمة لي سؤال عن البعثة او السكن او اي شيء تحتاجيه ولا تترددي

هلا اختي الغالية الرحلة ان شاء الله سهلة انا اروح على ماليزيا لانها افضل في الراحه دايركت احسها متعبه وطويلة يعني من جده لماليزيا 8 ساعات ومن ماليزيا لادلايد 6 ونصف افضل من دبي لان ما في من دبي لادلايد لازم تروحين اسدني وبعدين لادلايد او لملبورن وبالنسبة لاطفالك الله يحفظهم عادي واذا بتدخلينهم هنا في اسلمك كوليج ممكن يتعلمون عربي وانجليزي ومدرسة حلوه كل الي فيها مسلمين بس على حسب سكنكم واذا انتي بتدرسين باي معهد ترى سهل التقديم والاطفال بالحضانات لو حابه واليوم على 50 و60 و70 حسب سكنك والحضانه الي بجنبك وبالنسبة للبلد جدا هادئه لكن ما احسها بلد للترفية يعني للدراسة فقط ةالجو جدا بارد ها الايام وراح يشتد بصراحه انا ما اخوفك بس حبيت اعطيك المعلومات علشان لا تتفاجئين يعني جيبي معك ملابس شتوية وان شاء الله انا ما راح اقصر معك يشيء وانا في الخدمة

حياك الله اختي الغالية انا من ادلايد وحاضرة لك بالخدمة
اختي افضل لك العبايات الملونه كما ذكرت لك احدى الاخوات والطرح الملونه لان هنا يالله يتقبلون العبايات والنقاب ونجيهم باسود وهذا افضل لك اذا حبيتي تدرسين والبلد جدا هادئه ولا تشيلين هم هذه السنه كثرو الاخوات السعوديات بكثرة وان شاء الله ما راح نقصر معاك بشيء واذا حبيتي اي سؤال حتى زوجك اعطيني خبر زوجي ممكن يساعده وبرسل لك رقم زوجي على الخاص لزوجك وممكن يساعده بالسكن او الجامعه انتي وام جلمبو وانا بالخدمه

السلام عليكم خواتي,انا مغتربة من سكان سدني عجبني موضوعكم من زمان وانا اتابعة وحبيت اشارك معكم
لي في استراليا ست شهور ,يعني صرت من اهل البلد وانا حابة ادخل ولدي للحضانة هاذي ولكن هل يشمل هاذا للبنات اللي يدرسن في المعهد مو على حساب الملحقية على حسابها الخاص ,**** يوفق اللي ترد علي يااااااااااااااااااااااااااارب