ابغي مساعدتكم



السلام عليكم ورحمة الله وبركاته


انا عضوه جديده معاكم حبيت اشارك فالمنتدا واول مشاركه لي اليوم اطرحها وهي ما ادري شو اقول عنها مشكله ولا شو انا متزوجه والحين صارلي سنه على زواجي تزوجت شاب من اهلي كان متحدي علشان نتزوج والحين استغرب من تصرفاته معاي زواجنا ما كان بعلاقه بس كنت الاحظ نظرات الاعجاب فعيونه والحين من تزوجنا اول شي قضينا شهر العسل فالبيت وكان نادرا ما نطلع مع بعض حاط حواجز بينا كثيره انا احاول اتقرب منه بكل الطرق بس للاسف احسه يبتعد كل البعد عني دايما احاول اسولف معاه واتكلم معاه لاني مفتقده السوالف معاه والكلام مع بعضنا مثل باقي الناس والعالم نادر ما يكلمني ولما يحصل اجازات يطلع مع ربعه ويرجع البيت بوقت متاخر او يرجع الفجر اتضايق كثير احس اني انسانه غير مرغوب فيها قلت له يمكن ما كنت تبغي تتزوج وحد ضغط عليك قالي لا لا تقولين هالكلام مره ثانيه تعبت من حياتي معاه وصرت ما طايقه اعيش معاه ما نطلع مثل الناس ولا شي كان من تزوجنا 50 سنه مب مسنه وحده ...



اريدكم تساعدوني وتخبروني شو ممكن اسوي لاني بصراحه صرت افكر اني انفصل لاني حاسه نفسي ما عايشه باستقرار .

11 تعليق 916 مشاهدة

شاركي في النقاش

سجلي الدخول لإضافة تعليق.

التعليقات

9
  1. @am_bnsyana

    ياختي هذا شيء طبيعي في بدايه الزواج يمكن زوجك من زمان على هذا الطبع مايحب يتكلم وتري ثلاثة ارباع الرجال كذا مايحبون يتكلمون ولكن سولفي معه عن شغله وابتعدي عن سوالف الحريم شوفي اش السوالف اللي يحبها بطريقتك وسولفي معه فيها اما خروجه من البيت فكل الرجال اللي موظفين هذاي حياتهم في النهار في الشغل وفي الليل مع الشباب لكن حاولي تربطينه بالبيت باي وسيله مثلا قبل مايفكر يطلع جهزي حلا وقهوه وفطائر او الحاجه اللي يحبها وقولي ابغى نسهر مع بعض وحاولي انك ماتفتحين معه اي موضوع مايحبه واذا قال بطلع الشباب منتظريني قولي وانا مين يجلس معي انا طفشاناه واستخدمي حركات المسكنه ان كيدهن عظيم اما شهر العسل ياحبيتي فمو شرط ان الوحده تطلع ولا تشوفين اللي يسافرون شوفي اللي زي حالك تصدقين ان زوجي 3 يوم في زواجنا راح يشتغل ولا جاني الا الساعه 12 وكنت زيك افكر اني اتركه لكن الحمد لله رضيت بعيشتي ونظرت باللي اقل مني ومشت الحياه
  2. @aabk_alorod_1

    جلسي معه جلسه هاديه وقوليله كل اللي بخاطرك بالاضافه للكلام اللي كتبتيه هنا خليه يعيد حساباته ويفتح عيونه
    والله يسخره لك ياااااااارب
  3. @mram_alord

    صاحبة الموضوع

    اشكرك مروركم الطيب ...

    بحاول معاه واطبق الي قلتولي عليه وان شاء الله خير ....

    والله يسخر لنا ازواجنا يا رب ...
  4. @alamyr_yakot_1

    السلام عليكم

    شوفى هدا الموضوع عسى يفيدك
    ××××××××××××××××××××××
    ممنوع وضع روابط لمنتديات اخرى../عالم حوااء

    وشوفى مواضيع ناعمة الهاشمي ترى فيها نصائح روعةو
    ثم الحياة الاسرية والله البنات ماشاء الله عليهم مو مقصرين
    واوصى نفسى ثم انت بالاستغفار ففيه الخير الكثير

تابعي تجارب أخرى من هذا القسم.