اي وحدة تدخل تكتب قصة عن " ضرائر متحابات "

السلام عليكم ورحمة الله وبركاته


بنات ممكن تساعدوني


انا بسوي بحث عن تعدد الزوجات ونبغى قصص واقعية


ابغى كل وحدة تذكر لي قصة عن ضرائر متاحبات

واهم شئ تكون القصة واقعية وتستاذنون من اصحابها

يعني اللي عندها ام او خالة او عمه متفهمة لضرتها وتحب تذكر قصتها وطريقة تقبلها للضرة ..



لاتقولون مافيه ضرائر متاحبات :(




لانها سوف تنشر وتطبع في كتيب

اتمنى مساعدتكم لي

29 تعليق 9,046 مشاهدة

شاركي في النقاش

سجلي الدخول لإضافة تعليق.

التعليقات

25
  1. @am_bnsyana

    بسم الله الرحمن الرحيم
    هناك قصه لضرائر جيران اهلي علاقتهم جدا ممتازه مع بعض دايم مع بعض في كل شي ء الشاهد في قصتهم ان صيبت بسرطان في الحلق فكانت الزوجه الثانيه خير من قام بها انا لما اشوفها وهي تهتم فيها اقول انها احسن من اي انسان ممكن ان يخدمها فهي تسافر معها الى الرياض لعلاج الكيماوي ودائما تدعي لها وكانت جدا متاثره وترافق معها حتى اهلها محد جلس عندها وبعد ماخلصت العلاج كانت ماتقدر تبلع الاكل فكانت شريكتها تفرم الاكل لها في الفرامه وتعد لها من كل انواع الاكل الصحيه والحمد لله هي الان طيبه الاولى نجح علاجها بالكيماوي وتماثلت للشفاء وشريكتها سبحان الله مريحتها في شغل البيت ماتخليها تلمس شي وهم على فكره سبحان الله ينامون في غرفه وحده
  2. جارات امي 2 وكأنهن خوات الاولى جابت بنت وشالو رحمها والثانيه اول مولود لها عطته الاولى من ولادته وهي بس ترضعها حتى وصل عمرها سنتين وفطمتها واخذتها الاوليه وتروح فيها لأهله وابد بنتها تقال جابتها متكفلها فيها بكل شيء وهم في بيت واحد والبنت الان كبيره وماتناديها غير ياماما ومعها وين ماتروح وكأنهن خوات واكثررررررر بكثيررررررررررر سبحان الله الله يوفقهم ويوفق بنات المسلمين
  3. @am_kaato

    أنا ابو زوجي عنده زوجتين وحده أم زوجي و الثانيه امه بالرضاعه و هما الإثنين كل وحده رضعت أولاد الثانيه اللي فسن أولادها . ماشاء الله عليهم ما يتقهون إلا سوى ولا يتغدون أو يتعشون الإ مع بعض ، وطلعتهم و دخلتهم سوى ، حتى عمي المسكين لما تعلن الحرب يكون هو طرف وهما طرف خخخخخخخخخخخ بس تراه هذا شي قليل وتحقيقه صعب !
    اذا صار عزى عند وحده الثانيه تروح معاها و تبقى معاهم كنهم اهلها