راحت الغاليه وتركتني وحيده
ماتت بنتي الوحيده وتركتني وحيده الله يجمعني فيها في جناته تركت العابها وملابسها تركت ربطات شعرها كانت ترفض اقص شعرها وتقول خليه يطول عشان زواج خالتها كانت تقولي انا حرمه صح ياماما وتفرح اذا طلبتها تساعدني في البيت كانت تقولي ياماما انتي حياتي وعيوني راحت وتركتني تحب اللون الوردي في كل شي كانت تقول (الودي ) راحت وتركت الوردي كنت احط الحنا والسدر بشعرها كان طويل وناعم كانت اذا مصت اصبعها اقول لها لاتمصين اصبعك عشان تصيرين حلوه كانت تشرب اللبن وتاكل الزبادي وتقول عشان اطلع حلوه صح ياماما اذا عطيتها بيبسي ترفض تقول لا يخليني سمرا وتشرب حليب ماتت وتركتني وحيده اللهم اجبرني في مصيبتي واخلف لي خيرا منها ماتت بين يدي والله لن انسى حرقتها في قلبي ماتت وعمرها اربع سنوات وخمسه وعشرين يوم ماتت وهي تلعب واختنقت وحسرتها في قلبي الى ان اموت ندمانه لاني ماانتبهت لها وهي تلعب كانت صديقتي وبنتي وحبيبتي وفلذة كبدي راحت من بين يدي اتمنى اضمها على صدري واحب كل جزء بجسمها كل يوم يمر اصحى واتذكر اني ماراح اشوفها انهار والله العظيم اشتقت لها احس بحسره والم على فراقها اللهم اجمعني فيها وهون علي مصيبتي واجعل حبها في قلبي صبر ياارحم الراحمين