هل تساعدين زوجك مالياً .... وبصراحة

أخواتي ....................:27:

هل تساعدين زوجك ماديا إذا أحتاج منك

هل تعطينه برضى نفس وألا من باب سد الذرائع وتجنب المشاكل.

وكم نسبة ما تعطينه من راتبك يعني الربع والا الثلث والا النصف والا ......... كله ؟

وما هي الظروف اللي تشوفين انك ممكن تساعدينه فيها؟

وهل بينك وبينه سلف ودين والا الحال واحد ؟

اتمنى المشاركة منكم حتى نعرف الأفضل والأصلح لحياتنا الزوجية وخاصة في الأمور المالية.

وسلامتكم

17 تعليق 7,862 مشاهدة

شاركي في النقاش

سجلي الدخول لإضافة تعليق.

التعليقات

16
  1. والله انا مو موظفه
    ولو كنت موظفه ما راح اقصر معاه راح اساعده
    و اتقاسم معاه امورنا الماليه وامسك عنا اشياء

    وسلامتكم:26:
  2. انا موظفة
    بس ما اعطيه شي ابدا،،،بالعكس هو اللي لازم يجيب لي ويجيب للبيت،،،،بس هذا الشي ما يمنع اني اشتري له هدايه غالية ودايما اخذ له اغراضه الشخصية،،،واذا كنا طالعين او مسافرين لو هو معاي مرات انا ادفع فاتورة المحل او المطعم،،،،بس اني اشاركه بمصاريف البيت لا والف لا ما ابيه يتعود علي،،،،وبعدين كل يوم والثاني طالعه له بفكرة اني بخلي الشغل وبقعد في البيت علشان يظل حاط في باله انه هو المسؤول عني اي وقت سواء كنت اشتغل ولا لا
    والحمدلله هو مو مقصر والله
  3. هلا اختي ريوف55
    انه موظفة وعندي راتبي بس صدقيني مايخليني اصرف منه اهو يعطيني مصروفي وازيادة وعشان جذية انه بعد مابخل علية يعني لو يطلب من 10 اعطية 50 وماكو فرق بيني وبينه انه واهو واحد يعني فلوسي افلوسة والعكس ...اهو طول عمرة مو مقصر معاي الحين انه اقصر علية والله لو يطلب عمري فداه:23:

تابعي تجارب أخرى من هذا القسم.