اهلين بنات بدخل في الموضوع علطول ماودي اطول عليكم واخترت هالقسم لان اكثر زواره متزوجات وان شاءالله تفيدوني انا بهم وغم وحيره ملكت على واحد طيب وابن حلال مااعرفه بس من الجماعه واسمع عنه هذا كل شي لكن الله اعلم بالنوايا ومن يوم الملكه وانا كل يوم اكتشف شي عنه اعوذ بالله من ابليس ماودي اخرب على نفسي لكن الله ماشفناه بالعقل عرفناه وانا ماني صغيره ناضجه وفاهمه عمري 28 سنه
المهم مشكلتي معاه انه فاجأني بعدالملكه انه مريض بالكبد الوبائي وانه معدي ولابد من اخذ جرعات وووو مشوار طويل تفاجأت وزعلت وسكتت عشان مااجرحه وقلت الله يشفيه وباخذ الجرعات وامري لله وهذا رابط موضوعي الي تبي تقراه مع ان كثيرات حذروني من المرض وانه معدي والله يعلم وش الحال مع الحمل:44:
http://forum.hawaaworld.com/showthread.php?t=1206408
المهم انا رحت لاخصائيين وبحثت عن المرض وكلهم اجمعوا على كلمه وحده لابد من اخذ الجرعات اول جرعه وبعد شهر الثانيه وبعد سته شهور الثالثه وبعدها انتظر شهر والا شهرين واسوي فحص اتأكد تنشطت المناعه عندي والا لا شوفوا يابنات قد ايش انا متفاهمه وراضيه بنصيبي وشاريه الرجال الين هنا تمام ومتفاهمين وبدال مايشكرني ويفرح اني رضيت بكل هذا وسامحته على الخدعه وتناسيت الي صار فاجأني اليوم انه يبي الزواج بعد شهرين يعني بشهر سبعه هذا ومو مهم عنده اخذ الجرعات اهم شي يتزوج وحاولت اتفاهم معاه وانه المفروض يحمد ربه ويضحي مثلي ويقول ونعم الزوجه الي مارفضتني ويشيل جميلي لا بالعكس هاوشني وخاصمني يوم قلت مابي زواجي الا بعد الجرعات وقال انتي موسوسه وتخافين وكل شي بيد الله قلت ماصارشي نتزوج بعد الجرعات عشان اضمن الجرعات لو تحبني كنت خفت علي وماتفرق اجازة الحج قريبه ومنها نضمن سلامة اطفالنا وجلس يعاند ويصرخ ويسمعني كلام عيب اقوله وقفل الخط بوجهي وبعد شويه ارسل رساله علجوال بكتبها لكم وانتم احكموا
(( الغلط ماهو منك مني انا لاني الي علمتك بمرضي وعطيتك وجه واخذ رايك والي هذا اوله ينعاف تاليه بس دوري لي اذا كلمتك والا رديت عليك ))
بالله وش رايكم ووش يبغى اكثر من كذا بالله ابي رايكم بصراحه وهل هذا مسج يرسل والله عيب استحيت اقراه وحسيت اني ولاش حسيت اني تنازلت عن اشياء كثيره خلته يطمع فيني ويحس اني رح احفى وراه ليش الرجال اذا شافوا الوحده طيبه ومضحيه داسوها يابنات هذا الشعور الي وصلني لكن مابي قرار لحالي ابي رايكم كل وحده تدخل تحط نفسها بمكاني وتكتبلي وش بتكون ردة فعلها اذا صارلها كل الي كتبته انتظركم واعتبركم والله اعز من خواتي سامحوني على الاطاله:(
شاركي في النقاش
سجلي الدخول لإضافة تعليق.
التعليقات
129- اول شي استخيري ربك عشان ماتندمين على اتخاذ اي قرار
ثاني شي احمدي ربك انك اكتشفتي وانتي لسى مملكة لسى ماوقعت الفاس في الراس يعني اذا كان مافيه ولاشي يشجع انك تتزوجينه خلاص اتركيه وربي بيعوضك خير منه
ثالث شي الله يوفقك وييسر لك امورك يارب المشاركة المقتبسة غير متاحة.
والله اني تعاطفت معاك وان اقولك استخيري ربك لانه مستحيل يخيب من يستخيره ثاني شي هذا بدل مايشكرك انك تفهمتي الموضوع يتلفظ عليك وانا مع الاخوات الي قالو لك انتي باقيه على البر فكري زين ولاتاخذي قرار تندمي عليه واثقلي عليه ولا تعطينه وجه خليه يعرف انه غلط عليك وانك انسانه لك مشاعر واحاسيس والله يوفقكي ويكتب لك الي فيه خير ودمتي بخير- حبيبتي
الله يعينك ويختار لك الخيره المباركه
استخيري دائما استخيري ولا تقدمين الزواج ولا شي وهالرساله لااااااازم يشوفها ابوك او احد من اخوانك له كلمه مسموعه والحمد لله انك على البر
الله يهدي سرك ويطمن بالك - لاياعمري لاتتزوجينه انتبهي وفوق هذا طلع على حقيقتة انسان عصبي ويحب يهين زوجتة
والله ماحد جبرك يااختي تاخذين واحد مريض الله يعوضك باللي احسن منة
وهو شايفك اقل منه علشان كذا قال عطيتك وجه زياده
وش دعوه عطالك وجه شحاذة عنده
الله يرزقك بابن الحلال - الله يعينك ياقلبي ويكتب لك الخيره في امرك
ويشفي زوجك
انتي قولي له انا موافقه على الزواج منك وراضيه بنصيبي
وبوقف معاك
لكن زواجي بعد ما اخذ الجرعاااات كامله
وهذا رأئ اهلي بعد
وماراح اوقف قدام كلامهم
انا اشوف ان هذا الحل المناسب
على الاقل تكونين سويتي الي عليك
ولازم هو بعد يقدر الي قاعده تسوينه له
والله يوفقك في اي طريق تختارينه
مواضيع مشابهة
تابعي تجارب أخرى من هذا القسم.