نصيحة او حل منكم

السلام عليكم
سأطرح عليكم مشكلتي واتمنى ان اجد عندكم الحل
ام زوجي موجودة ببيتي الان بسبب مواعيد وهي انسانه طيبة وونيسة ولله الحمد وعمري ماتضايقت منها لكن اذا جات عندي اضطر انقطع عن اهلي الي متعودة اشوفهم كل اسبوع وانقطع لمدة شهر احيانا وزوجي يرفض اني ازور اهلي ولو لربع ساعه يقول امي ماتجلس لوحدها بالبيت مع انه عيالي وشغالتي بالبيت
ثانيا انا السنه هذي صابني حسد يخليني احيانا اتضايق من الموجودين حولي واختلق المشاكل بيني وبين زوجي
بعدين زوجي يعطي الموضوع اكبر من حجمة يعني مثلا يقول كبسي رجول امي عشي امي سوي شاهي لامي مع انه طول اليوم برا البيت وانا الي اعرف وشو الاكل الي تحب اكثر منه يعني يسبب ربكه
صرت كثير اتضايق واتنرفز منه وبالتالي اتضايق منها مع انه مالها ذنب
بعدين اخوه وزوجته وعياله يزورونا بكثرة وينامون بالبيت عندي مع انه بيتي ضيق وهم ساكنين معنا بنفس المدينه
وشو الحل برايكم انا ودي اتجمل واسكت وبنفس الوقت احس اني اضغط على نفسي بزيادة لارضاء الجميع على حساب بيتي ونفسيتي

9 تعليق 487 مشاهدة

شاركي في النقاش

سجلي الدخول لإضافة تعليق.

التعليقات

9
  1. @rhyk_alkady_1

    لاحول ولاقوة الا بالله


    اخو زوجك ينامون عندك وهم في نفس المدينة ؟؟!!!!!!!!!


    تحمليّ واحتسبي الاجر من الله
  2. @am_fysl_55

    دامها حبيبه وطيبه تحمليها ولك الاجر
    وقولي لامك تزورك تتقهون جميع في بيتك ووسعي صدرك
    واقري البقره وعلاجي نفسك ان كان فيك عين
    وتعوذي من ابليس
    والله يوفقك
  3. @amly_kbyr_1

    احتسبي الاجر عند الله ياحبيبتي لاتعاقبينها بذنب ولدها وتخيلي امك بنفس مكانها لكن اهلك تفاهمي معاه تزورينهم لو ساعة

تابعي تجارب أخرى من هذا القسم.