طريقه عمل الحمام المغربي كامل .. منقوووول

@crazy_world



لنا موعد مع موضوع قادم من بلاد الجمال والروعه

" المغرب " لها تاريخ طويل مع الجمال

راح نتكلم عن أهم و أشهر محاور الجمال عندهم


¸.•°°•.¸ الحمـــام المغربــــــــي ¸.•°°•.¸

تاريخه ؟

فوائده ؟

أدواته ؟

طريقته ؟





شاركوني تجربتي الخاصه في حمام الهنا

" رفرشوا الى يوم الدين , يا ويل اللي ما تطلع له صوري " :(


::
::

70 تعليق 65,856 مشاهدة

0 0

شاركي في النقاش

سجلي الدخول لإضافة تعليق.

التعليقات

65

  1. @crazy_world

    صاحبة الموضوع
    ::
    ::





    الحمام المغربي اشتهرت فيه المغرب من " العهد الروماني "

    تجربة أكثر من رائعه لكل " امرأه " تحب تحافظ على جمال و نضارة بشرتها

    و مين مننا اللي ما تعتني وتدوّر ورا الأشياء اللي تخليها أحلى و أحلى ؟

    احنا بنات عسولات وبـ " ايدنا " نكون ملكات جمال بالحرص والاهتمام والعنايه , صح ؟













    تعالوا ابيكم بكلمة راس

    جرت العاده بان البنت لما تنخطب و يقرب زواجها تبدا تعتني بنفسها و تشغل حالها // ليزر , حمام مغربي , تنظيف بشره . . . الخ

    جدول طويل عريض اغلبنا حافظه . .

    وكأنه العريس اللي جا فجأه ذكرها انها بنت

    لا ونبي تصير بشرتنا صافيه , شعرنا يلمع ,الحبوب تختفي , ركبنا واكواعنا تصير بيضا , اجسامنا حلوة ومشدوده بشهر

    ما ننكر انو العنايه لازم " تتركز و تتكثف " للعروس

    بس عندنا فترة طويله قبلها ننتبه لانفسنا , وخصوصا نعرف انو اشياء كثيره زي الليزر وعلاجات البشره تحتاج فتره طويله ومتابعه عشان نستمتع بنتايجها



    خلاص خلصت الكلمة !












    ¸.•°°•.¸ فوائدالحمـــام المغربــــــــي ¸.•°°•.¸






    بشكل عام " يساعد على تنظيف الجسم من الجلد الميت "

    بعد الانتهاء منه تصير البشره ناعمة // صافيه // فيها لمعه صحية

    بما انه يزيل طبقة الجلد الميت , راح يساعد بأن أدق الشعرات اللي موجوده داخل الجلد بانها تطلع

    بالتالي عملية ازالة الشعر " الحلاوة " من بعده راح تكون جداً ناجحه




    ندخل بالتفاصيل أكثر ؟

    تفضلوا    :26:

  2. @crazy_world

    صاحبة الموضوع
    ::
    ::




    ¸.•°°•.¸ 1-البخار // الساونا ¸.•°°•.¸




    لعمل حمام مغربي في البيت راح نحتاج لـ ساونا منزليه " تكون موجوده في اغلب محلات التجميل الكبيره " برضو في اكسترا موجوده , سعرها حول الـ200

    و لو مو موجوده ممكن نعبي البانيو موية حاره , ونتاكد ان الابواب تكون مسكره , يعني ما في تيار هوا او مروحه شغاله , عشان يتكون عندنا بخار

    بالنسبة للساونا تعالوا نشوف وش وضعها بالحياه بما انها أول مره أسوي حمام مغربي في البيت



    اول شي لازم نتأد بأن مخرج الهوا مسكر , يقولون في ناس قعدوا ينفخون ينفخون وبالاخير طلع الهوا يطلع من جهه ثانيه !

    يقطع ام الغباء اللي كذا





    بعد كذا نبدا نفخ الين ما تنتفخ وتبدا توقف على حيلها






    بعد كذا نشبك جهاز المويه بالساونا + من الجهه الثانيه بالكهربا " 220 " ونعبيه موية دافيه

    ممكن نحط مع الموية أعشاب عطرية تساعد على الراحه " نعناع ناشف " مثلا , نحطها داخل شاش . .

    ترى ما استفدت شي لانو داخل الساونا كانت الريحه وع ولا بانت ريحة النعناع

    وفيه ناس تحط زيوت عطريه او ملح على كيف كيفكم يعني الخيار مطروح لكم




    نحط داخل الساونا كرسي صغير , بلاستك // خشب , عشان يبدا البخاز داخل الساونا يطلع يحتاج من 15 - 20 دقيقه

    - ليش البخار ؟

    ينشط الدوره الدمويه // يفتح لون البشره // يفتح المسامات بالتالي يسهل التخلص من الجلد الميت // يزيل الارهاق العضلي والعصبي



    ¸.•°°•.¸ 2- الصابون المغربي ¸.•°°•.¸




    صابون بـ زيت الزيتون يُحضّر في المغرب , احرضي يكون الأصلي

    قوامه سائل يشبه للزبده السايحه , موجود في محلات العطارين او بعض مراكز التجميل اللي تعمل الحمام المغربي " بعضهم يبيعونه "

    بنات الرياض

    أنا شريه الاصلي من عالم الطبيعه



    - ليش الصابون المغربي ؟

    يشيل الدهون والترسبات في البشره بالتالي يفتح لونها + يشيل الخلايا الميته . .

    ناخذ شاور بالمويه الدافيه بس , استعداد للحمام المغربي , نبدا نحط من الصابون على كل الجسم + الوجه " اللي بشرتها حساسه لا تحط "

    وننتبه انه ما يدخل بالعين لانه يحرق مرره , او بالفم لان طعمه شين و مر :\

    بعد كذا ندخل الساونا بعد ما يكون اشتغل البخار فيها ونجلس اقل شي من 10 - 15 دقيقه , واكثر شي 30 دقيقه عشان ياخذ مفعوله , او في بخار البانيو للي ما عندها الساونا المنزليه



    ::
    ::

  3. @crazy_world

    صاحبة الموضوع
    ::
    ::



    ¸.•°°•.¸ 3- الليفه المغربيه ¸.•°°•.¸




    ليفه خشنه مصنوعه من ألياف الشجر

    تشيل الجلد الميت + تنشط الدوره الدمويه بالجسم

    نغسل بموية دافية بعد الصابون وبعد ما نكون قعدنا تقريباّ 20 دقيقه داخل البخار , نتأكد ان الصابون كله راح

    نبلل الليفه بموية حاره ونبدا فرك , بقوة متوسطه تميل للقوية . نبدا باليدين // الرقبه // الصدر // البطن // الافخاذ // الرجلين

    نركز على " الرقبه - الاكواع - الركب - الابط - المنطقه الحساسه " (( المناطق اللي يكون الجلد أسمك وأغمق ))

    راج يطلع الجلد الميت على شكل خيوط لونها أسود

    و فوراَ راح تحسون بالفرق في شكل البشره

    لا تتحمسون وتفركون بقوة ترى يقولون في ناس جرّحت عمرها وجابت العيد

    بنفس الوقت لو فركتوا بشويش ما راح يطلع معاكم الجلد الميت







    الليفه الخاصه للظهر , ولو ما لقيتوها ممكن ننادي احد يمون يساعدنا بفرك الظهر

    بالنسبه للوجه , يفرك بشويش بشرته رقيقه , اللي بشرتها حساسه تنسى الموضوع تماماً


    نغسل بموية دافية , " انتبهوا تستخدمون موية بارده عشان لا تتسكر المسامات للحين ما خلصنا شغلنا "

    ¸.•°°•.¸ 4- الصنفرة او الـ scrub ¸.•°°•.¸

    ممكن نستخدم اي نوع عندنا بس نحاول ما يكون عطري البشره بتكون حساسه

    ممكن خلطات طبيعية // سكر // لوز مجروش . . . الخ

    اما انا استخدم صنفره مشهوووره والكل أكيد يعرفها



    كريم كاب " كريم لصنفرة وتبييض الجسم " والله موب شين تصدقون ؟

    ينحط عالجسم ويترك مدة 10 دقايق الين ما ينشف , وبعدها نبدا نفرك نفرك الين ما يطيح كله

    حسيته ينعم , وبعدها ناخذ شاور برضوووو بموية دافيه




    ¸.•°°•.¸ 5- الطين // الطمي المغربي // الغاسول ¸.•°°•.¸

    طين مغربي أصلي من جبال أطلس بالمغرب



    وفيه الحجم الأكبر . .


    ليش الطين المغربي ؟

    يزيل الدهون الزايده والرواسب بالبشره // يزيل الخلايا الميته ويفتح المسامات

    يشيل البقع ويفتح الجلد " له المفعول المنقي للبشره "

    والأهم انه يشد الجلد ويعطيه لمعه




    ينقع في موية ورد او موية صحه لمدة 5 دقايق ونضع عصير ليمون , وبعد كذا نعجنه باليد او بالملعقه الين ما يصير سائل مثل الصورة , ندهنه على كل الجسم ونرجع للبخار عشان يتشربه الجلد





    بكذا نكون خلصنا من الخطوات الـ 5 الأساسيه للحمام المغربي

    ندخل ناخذ شاور بـ موية تميل للبروده . .

    العطار مدح لي صابون طاووس وانا عارفه انه مشهور , بس بغيت ارجع له وارميه في وجهه !
    ريحته تصرع , ما قدرت وتحممت بصابون البابيا مرررررررررره خطيره . .




    وبعدها رطبي بشترتك باإي كريم ترتاحين له وأنا استخدم كريم 21 مره خطير

    وأشكر أختي الهنوف وهي صاحبه الموضوع أساسآ اني مااخذت صورها وصورت انا بنفسي لان اخاف يحذفون الموضوع
    لان فيه أسم الموقع عشان كذا سويت هالحوسه كلها فاأتمنى تعذرني

    وانا والله يبنات جربتها مره رووعه فتحت جسمي وحسيت انه ناعم غير المعه الي فيه وانا ماصار لي فتره استخدمه
    شلون لو داومت عليها باأستمرار

    أتمنى تجربوها ولا تنسون تدعون لي بالتوفقيع بحياتي وتدعون للهنوف بعد

    هنا نقدر نقول لك ِ نعيماً يا حلوة وحمام الهنـــــــــــا


    ::
    ::

تابعي تجارب أخرى من هذا القسم.