الحوامل الموظفات ممكن تدخلون .. تجاوبوني

شروق _الشمس ..

المشكلة انهم ما يعطون اجازة الا اذا كنتي فعلا مريضة يعني ما يحسون ان الحامل تتعب وثقل وحرارة في المعدة ووجع في الظهر والرجل ويالله تقدر تمشي .......... لا يبغونك تطيحي في الفراش وما تقدري تقومي بعدين يعطونك اجازة ؟؟؟؟؟؟

وعلى قولك ماحد يراعي احد وكل نفسي نفسي

المذهلة

انا ودي اخذ اجازة بس خايفة يأثر على وظيفتي وتقريري السنوي ..

والاجازة يعطونك يوم ولا يومين ولا 3 بالكثير واذا تبغين اجازة اسبوعين تروحي لعيادة خاصة ..

والله انا كله غياب يحليلج انتي بس 9 ايام انا بالثالث وغبت تقريبا 3 اسابيع

دوامي بعيد وانا اسوق سيارة فاتعب من السياقه

والله اهم ماعندي صحتي اجل شحقه متزوجين مو عشان الباشا يصرف علي!!!!والا اصرف عليه بعد@@

/

ألي أعرفه الإجازة المرضية ماتأثر على التقرير السنوي ..!!

/

أنا ريحت نفسي وأخذت إجازة رعاية مولود من بداية حملي
لأني ماني ناقصة أحد يتفلسف علي بكثرة غياباتي لاني اتعب بحملي كثير :(

/

والله يهون ع الجميع ..؛

الجوري _المطيري ..

انا علشان جذي اسألكم ؟ لان ابي اعرف اذا كل الحوامل مثلي يغيبون ولا بس انا ؟

طلعت انا الهبلة اللي ذابحه روحي وعلى طول دوام وانا اموت من التعب ولا في تقدير ولا شئ .؟.

وانا مثلك دوامي بعيد واسوق السيارة بعز الظهر و من صباح الله خير اقوم ..