قال فكري فالذهاب للسعوديه قلت له طلقني

اليوم وبدون سابق مقدمات وبدون هواش او اي شيء مر علي قبل لايطلع وقال : فكري فموضوع انك تروحين للسعوديه ..تناقشت معه ..قلتله ليش: استدرك ثم قالي ..والا تقعدين بس ماتزعجيني ودني وجبني لاني منيب فاضي عندي دراسه بكتب البحث بس بطلعك للاماكن القريبه فقط {استغربت طيب وين المشكله؟} . ومنيب شاري سياره ..لاتقعدين تقوليلي اشتري سياره..{يتهدد ويتوعد} المهم ..
قلتله انا اقدر وطالما ماراح تشتري سياره عشان منتب مطول مو مشكله ومدامك بتطلعنا للاماكن القريبه اوكيه خلاص ..
قال بس انا اقولك عشان ماتزعجيني ..
انا قلبي قرصني وماعجبني الكلام واحس انه ماله داعي يطرح علي فكرة الذهاب من اساسه ومدري ليش زاهد فينا لهالدرجه ومايبينا هذا وانا وولدي بس والا كل هذا عشان التوداة والجيبه بس ..احترت في امره ..
وبمجرد ماطلع ارسلت له مسج وقلت له::
وانا ابغاك تفكر فموضوع الطلاق معليش اسمحلي
وش رايكم ..انا صراحه تعبني هالرجل ومدري وش يبي ..وهو طبعه قاسي فمسالة الطلعه مايبي يوديني السوق ولا اي مكان حتى اذا حديقه اقعد اترجاه اسابيع على مايوافق وفخلال 3 شهور كان ناوي يطلعني مره وحده بس وكل هذا بحجه الدراسه اللي ماخذه كل وقته وصدق ياللي عندك عقل اذا تبي تصدق والحمد لله انه سمحلي اروح مع صديقاتي كم مره والا كان انهبلت من زمان وفوق هذا حتى صديقاتي ماعاد يوافقون يطلعون معي للسوق ويادوب يروحوا الحديقه بعض الاحيان وانا احيانا مقدر اطلع ..يعني صايره طلعتي صعبه مره وانا انسانه من لحم ودم احتاج اشم هوا من فتره للثانيه ..عموما انا مو كاسر خاطري الاولدي ومع كذا انا مو حاسه مع هالرجل بالامان وخايفه من المستقبل ومدري هل قراري صح او خطأ ..

56 تعليق 6,765 مشاهدة

شاركي في النقاش

سجلي الدخول لإضافة تعليق.

التعليقات

52
  1. @dyrty_alsaaodyh

    الله يعينك اختي ويهدي بالكم ويرجع لك زوجك وهو احسن من اول .......ياليت كل وحده تدخل تدعي لها بصلاح زوجها يابنات ...................
    بالنسبه للطلعات والجيات ترى كلهم كذا بس اصبري... واكيد هو نفسيته من الدراسه تعبانه اعذريه ....
    الله يهدي لك زوجك....
  2. @am_alhloyn_4_1

    يا أختي الله يستر عليك لا تتسرعي وتستعجلي الأمور فالإنسان في لحظات الغضب يقول كلمات يندم عليها ألف مره

    يا أختي قوي صلتك بالله أكثري من قراءة القرآن والإستغفار والدعاء وقيام الليل ولو بالقليل و أكثري من صلاة والسلام على خير خلق الله محمد عليه الصلاة والسلام

    وشوفي النتيجه الطيبه في كل شي راح يتغيير للأفضل

    وأملئ فراغك بما يفيدك في الآخره والدنيا

    وفي الختام لا تنسي الإستخاره قبل الإقدام على أي شئ تريدي فعله

    وأسأل الله العظيم رب العرش العظيم أن يهدينا أجمعين ويوفق بيننا وبين أزواجنا ويسعدنا في الدارين
  3. @egypty

    اختي لا تزعلي كل واحده متزوجه بتمر عليها مواقف مع زوجها وساعات الشيطان بيزينلها الطلاق ان هوه ده الطريقه الافضل صدقيني انت ممكن حساسه جدا وممكن مش بتتنقشي معاه لما بيزعلك منه شيء انا اما بزعل مع زوجي بقوله انا زعلت منك وانت قولت كذا بس بطريقه ظريفه وفيها ضعف اللي احنا مش بنتصتعه هوه في طبيعتنا عرفيه واستعيزي بالله من الشيطان الرجيم اللي احب اليه انه يفرق مابين المرء وزوجه وفكري في ابنك وبالنسبه للخروج هوه بيغير عليكي حاولي اقنعيه بالتنزه ولو في الاماكن التي ليس بها ازدحام وتقوليله مره واحده لو رفض ماتعديش الكلام يمكن هوه من النوع العنيد لما يشوفك تعيدي الكلام وتضيقي جربي وادعي الله بانه يسخره ليكي في كل خير :27:
  4. طيب حبيبتي ليش ماتحاولين تشغلين نفسك في الغربة مثل انك تعلمين وتنشغلين عنة شوي اوا حاولي حبيبتي انك تفهمينة الوضع انك تملن لوحدك او على الاقل يوم في الاسبوع يفضي نفسة لكم و**** يسخرة لك حبيبتي
  5. @hby_ldyny

    الله يعينك عزيزتي والله يصبرك على رجلك وغربتك
    والله يسخر مابينكم
    معليش تحمليه ولا تستعجلين بالطلاق يمكن عنده ظروفه هو بعد

تابعي تجارب أخرى من هذا القسم.