هل تخطبين لولدك او اخوك بنت عرجاء...سالتكم بالله جاوبو وريحوني

والله ياختي انا اعرف وحده مو تعرج لا على كرسي متحرك وان قامت تمشي لازم عكازين مكمله دراستها وتزوجت الاجازة الصيفية وحامل الحين بتؤام ماشاءالله ورجال على قدر من العلم وتسوى عيونه ماشاءالله وزود على ذلك يتيمه لاتقنطي من رحمة الله0

اذا انتي عرجاء مومعناه انك ناقصة وياما غيرك ناس مايعرجون ويتمنون شي عندك موعندهم الانسان يرضى بماقسمه الله له واعلمي ان لك فيه الخير والخيرة ان شاء الله والله أذا احب عبد ابتلاه اصبري واحتسبي الله لا يحرمك الاجر
ياأختي كثير بنات يعرجون وتزوجوا وعندهم عيال بعد لا وازيدك من الشعر بيت عندنا وحده مقعدة ماتمشي من يوم ربي خلقها والحين متزوجه وعندها بنت وولد وزوجها يموت فيها بعد
وانتي بعدك صغيرة غيرك لا عرجا ولا شي وعمرها 35 وباقي ماتزوجت ونصيبك اذا جاك مارح يرده انك عرجاء
يا اختي ريحي بالك ووسعي صدرك وتوكلي على الكريم اللي من طلبه ماخاب
لا تصيرين حساسه بزيادة واكشخي واطلعي واستانسي وفرحي قلب اميمتك الله يخليها لك ترى والله يتكدرون اذا حسو فينا شي خليك فرفوشه ادخلي الفرح والسرور الى قلبها الله يدخل الفرح الى قلبك
اما بالنسبه لسؤالك لوكانت حبوبه ومحترمه وفيها خير مارح يردني من خطبتها انها عرجاء

قريبة امي زي حالتك تمام وزياده مسويه عمليات للقلب وتزوجت ماشاء الله عليها وعندها ولد واسعد اخواتها وابسطهم وزوجها مايعيبه شئ بتاتا مجرد عنده عيب خلقي بسييييييييييييييييييييييييييط جدا وانتي توكلي على الله واللي كاتبه ربي لك بيصير ولاتوسوسي كثير بحالتك وهذا شئ مو بيدك عادي ياقلبي فيه زيك كثييييييييييييييييييير مره شئ عادي جدا
وصدقيني بعد سنه سنتين بالكثير وانتي عروسه قد الدنيا ان شاء الله الله يوفقك ويرزقك الزوج الصالح اللي يحبك ويحطك في عيونه يارب

يار ب يرزقك ببن الحلال الي يسعدك لاكن بقولك شغله واحد اعرفه خطبتله امه وحده وقالت للولد ترى البنت عرجا ولولد وافق بس تدرين من الي رفض البنت لان الولد يشتغل برا ديرت اهله وبعد بنت خالتي عرجا مزوجه وعندها الحين ثلاث اولاد مشاء الله
ولاتيئسين ان شاءالله يجي نصيبك

حبيبتي زميلتي تحكي لي عن نفسها

تقول صار لها حادث سيارة و جبر العظم بشكل خاطئ و بعد ما فكوا الجبس حصلوا الرجل مايلة و هالشي سبب لها مثل العرج يعني تمشي و تسحب رجلها

راحت كثير دكاترة هنا قالوا لها انه الحل يتم كسر العظم من جديد من خلال عملية بس المشكلة انه عندها هشاشة بالعظام على هالاساس اي دكتور تروح له يرفض يجري العملية يقول العظم عندك ما يتحمل

جلست على هالحال اكثر من سنة

و بعد كذا طلعت المانيا و بعد الفحص عملت العملية

و انا ما عرفتها الا بعد العملية و ما صدقت انها في يوم من الايام كانت تعرج

ما شاء الله مو باين عليها شي