مقالب حريميه بااااااااايخه؟!

موضووووووووع رائع مثل صاحبته ..............الموقف اللي عندي حصل لاْمي الله يخليها لنا وهو مره واحده طلبت من اْمي طقم الماس تبغى تلبسه في مناسبه عندها وارسلته لها امي ويوم لبسته وخلصت منه رجعته بعد يومين بس العقد والخاتم بدون الحلق واسواره ارسلته مع الشغاله حتى ماكلفت نفسها وحطته في العلبه حقته واتصلت على امي تقول لها انه ضاع الحلق واسواره منها في الزواج وحتى بدو ن اعتذار واميمتي كانت توها شاريته ,,,,,,,,,,

هههههههههههههه
قريت الموضوع صفحة صفحة
روووووووووووووووووعة

ايه صح تذكرت موقف بعد من ابيخ المواقف اللي مرت علي ..

مرة في وحده من زميلاتي قالت لي تبغي تخطب اختي وانا قلت مو مشكلة تعالو البيت مع المعرس في هاليوم وهالساعه .. وموصيتها لا تتأخرون ..

وكانت ليلة مدارس يعني يوم ثاني مدرسة .. المهم انتظرناهم عالموعد الساعه 8 .. ما جو انتظرنا ربع ساعه نص ساعه ساعه الا ربع واتصل فيهم قالت انها توها بتطلع من بيتهم وبيتهم بعيد عن منطقة اهل المعرس وبتروح تأخذهم وبعدها بتجي منطقتنا اللي هي بعد بعيدة عن بيتنا ... وسالللللللللللفه نقعد ننتظر وننتظر وما دلو البيت وانا كل اشويه اتصل عليها لان ابوي من النوع اللي ما يحب يقعد ينطر ويحارس .. وبعد عقب ما جو البيت .. و نفسيتنا كانت مرة متوترة بسبب تأخيرهم ما وصلو الا الساعه 10 ؟؟ يعني ناس خاطبين ويتأخرون عالكثر خير ان شاء الله ليش جايين ؟

المهم ويقعدون ضحك وصوتهم واصل لمجلس الرجال وتعليقات على بعضهم وكركر كركر وكأنهم جايين يخطبون كنهم قاعدين في جلسة كوفي شوب .. وكل وحده اللي متسدحه واللي حاطه رجل على رجل حتى العروس ما اعطوها اهمية وكأنهم يشوفوفها ولا كأننا قاعدين معهم .. يعني مسفهينا .. ويوم دخلت العروس على المعرس قام يسألها اسئلة بايخه ان احنا كذا وكذا .. المهم انتظرناهم يردون ويردون ما ردو اسبوع كامل بعدها انا قلت حق زميلتي ترى احنا نسينا الموضوع والبنت ما لها خاطر في الصبي .. قالت ليش وليش .. قلت لها لانها ما ارتاحت لجيتكم ولا لقعدتكم ... حسيناكم متكبرين وجايين مو تخطبون تتفرجون .. قالت لا والله البنت عجبتنا والولد يبيها خلي اختك تفكر .. قلت لها خلااااااااص قرار نهائي .. طبعا انا سويت جذي كيد فيها وفي اهلها نرفضهم قبل لا يردون علينا ..

موقف غييير ويقهر ...

لي صديقه او يمكنكانت ..في الجامعه كنا بعض على طول..

بعد ما تخرجت ما شفتها..لاتتصل ..واذا تبيني تسوي لي رنه..ولانها عزيزة علي اتصل فيها..
وهي اول من عرف بحملي ببنوتي وكانت تحمل فيني كثير
ولماحملت وما كمل معاي الحمل و اول مرة كتبت مسج لصديقاتي خبرتهم مالي رزق بالحمل ودعو لي ربي يوضنيى كلهم تصلوا الا هي بعد شهر اتصلت سالتني سقطتي؟؟ قلت ايه قالت بتصل بعدين ما عندي كردت..ولا سمعت صوتها.

والمرة الثانية لانها تعرف بحملي بعد كتبت لها مسج ..ولا اتصلت الا بعد مدة تقولي بجيك ازورك ولا شفتها تالي سمعت من صديقه ثانية تقوله انها تتصلي ماارد.شككتني بنفسي...قلت جايز.

هي ولدت عقب وماوصلني مسجها الا بعد ماطلعت من المستشفى واتصلت لها وباركت لها على البيبي...وزرتها واكرمتها بهديه ولما بطلع قلت لها خلينا نشوفك وبلا حركات اتصلت وما رديتي..قامت تضحك... احنا بصراحه نمووون على بعض فهي تتقبل مني بمزح..

المرة الثالثه ماسمعت صوتها... ولا لتقيت بها الا في مقابلة لتوظيف تقولي اتصل لك ما تردين... قلت لها حبيبتي موبايلي يطلع كل الارقام الا رقمك ..وبلا حركات فاضيه.. ومن يومها ما تجي على بالي ابد...

اقولكم عني...
زمان كنت اعطي اغراضي لقريباتي وكنت اتعرض لمواقف مثل مواقفكم بعدها تبت توبة نصووووحة اني مااعطي احد!!!
بس الحين مشكلتي بنااااااااااااااااااااتي آآآآآآآآآآآه الله يهديهم بس
يسلفون فساتينهم وملابسهم واكسسواراتهم لقريباتنا والله اني اشتري لهم احسن الاشياء
حتى اني انسى نفسي واجيبلهم اشياء مميزة وماركة يروحون يسلفونها عاد شوفي متى ترجع وحالتها اذا رجعت؟؟؟!؟!؟!؟
اخر شي قلت لهم اذا احد طلب منكم شي قولوا امي ماااترضى قالوا نستحي حتى اني حلفت اذا سلفوا احدمرةثانية اجيبلهم اشياء
رخيصة من محل ابو ريالين حتى ماتروح بنفسي حسرة ..!!