السلام عليكم ورحمة الله وبركاته
اخواتي الغاليات
عندي هالموضوع وابغى اناقشكم فيه
انا قريت موضوع احد الاخوات عن الرجال اللي تزوج على زوجته بعد 10 سنين ،هذا مثال لموضوعنا .
اللي هو زواج الرجل اللي متاخرة اللي زوجته تاخرة في الحمال؟؟؟!!!
وترى ما ابغى احطمكم او اخوفكم او ارفع ضغطكم
بس والله ان الله حرم الظلم على نفسة وجعله بينكم محرما
وترى الموضوع تذكير واعادة الامور الى نصابها الصحيح .
اولا : الزواج حلال وشرع الله بسبب وبدون سبب، ونلاحظ ان زواج الرجال اللي عندهم ابناء يعني بدون سبب اكثر بكثيييييييييييييييييييييير من المتاخرين زوجاتهم وبعد سنوات طويلة جدا ان لم يكنما تزوج عليها عمره كله بعكس اللي عندهم عيال بعد كم سنه بس من الزواج .
ثانيا : انا مو قاعدة اخوفكم لان المراة ابد ما تنسى ان زوجها الله محلل له الزواج ابدا تاخرة في الخلفه ولا عنده درزن منه دوم التفكير مستمر واللي تقول والله لو الله يعطيني ولد ولا درزن ،احلف ان زوجي عمرة ما يتزوج علي اقول لها ان القلوب بين اصبعين من اصابع الرحمن يقلبهما كيفما يشاء و والله انا احلف لش انش مستحيل تضمنينه ابدا .
ثالثا :فكروا معي وش يكون رد فعل امك وابوكي اذا دروا ان زوجك قرر يتزوج عليكي بسبب تاخر الحمل (الله ل يقول ) هل بيكرهونه ويقولون خاين العشرة ،الخ ،؟؟؟
والله انه لو كان عندك اطيب ام في الكون كله وكان زوجك ولدها وقعد 10 سنين حتى لو ما نطقت وقالت له تزوج انها دوم تتمنى ان زوجته هي يالي تقولة تزوج وانتي لو اخوكي بتفكرين بنفس الشيء ..
فعلا شيء ملاحظ اللي امهاتنا ما يرضونه لنا ويستنكرونه يرضونه لزوجات عيالهم ويقرونه / ليش ما تفكر الام وتحط الكل بنفس الكفه وركزي هنا انا اتكلم على ام ممكن تكون امك ام زوجك .
رابعا:لامانه اقول ،في مثل قصة اختنا هذه فرج الله عنها ،ان زوجها كفى ووفى يا جماعة 10 سنين والله ما اكتب هذا قصدي ان كل واحده عدت 10 سنين او قربتهم خلاص ، لا والله بس جد احمد الله على زوجك ان كان صابركل هذه المدة ان لا اقصد ان التاخر عيب فيكي او انه صابر عليكي ولكنه قدر الله عليكم ليبلوكم ايكم احسن عملا ، بل على الاقل قولوا الحق والله وقف معاها جزاه الله خير وفي ميزان حسناته ***** الله، وكونه تزوج عليها بعد هالعمر معناه طول هالمده قادر يتزوج وبرضاة وطيبة خاطر وقف معها ممكن تقولي واشلون برضاه يعني اعرف واحده لو زوجها يزعلها في اي شيء ودوها المستشفى يعني اي شيء تروح المستشفى زين لو بيتزوج عليها اتوقع بتموت فعلا والله الدكتور قال لها زعل جامد يسبب لها شلل او موت صح عندها عيال لكن اخلاق ما اخبركم استغفر الله العظيم وهو واهله صابرين عليها ليش خايفين انه حتى يزعلونها وهي الغلطانه فتروح فيها وش يفكهم بعدين من عذاب الضمير ولا اهلى اللي بيعادوهم ويدعون عليهم ليل نهار واقصد ممكن يكون هناك ايظا فيه ضغوطات اخرى على الرجل تخليه حتى لو يبي يتزوج على زوجته ما يقدر ، ونتمنى ازواجنا ابد ما يتزوجون علينا وتكون اكبر ضغوطاتهم الحب والعشرة اللي بينايا رب العالمين
خامسا : اسئلكم وجاوبوا على سؤالي بصراحة
هل لو رزقكي الله بولد واحد او بنت واحده هي نصيبش في هذه الدنيا
وكبر/ت وتزوج/ت وما خلف/ت وقعد 10 سنين وهو الي لش في هالدنيا وخاطرش منه انه يملي لش البيت اولاد وبنات لانش بتكوني جربتي الوحده والخوف الدائم انه يصير فيه شيء وتنقطع ذريتش او على الاقل هذا تفكير زوجش
اسالش بالله لو قال : يا امي افكر اتزوج صبرت واجد ؟؟؟؟
توافقين وتايدين
ترفضين ابد الابدين
تسكتين وتقولين هذي حياتك سو الي تبغاه
تسكتين
ايوه جوابوا ارجوكم لو زوجته اخلاقها روعة ووضعها الصحي في الحمل صعب جدا جدا وليس على الله صعب وشابلتش على راسها وانتي مجربه القهر من التاخير بس هذا ولدش الوحيد
واعلم ان الاستغفار والدعاء يرفع القضاء ولكن على افتراض
وعلى فكرة انا لست مع او ضد وان كان لي راي خاص اتخذته في حياتي مع العلم انه ليس لدي اطفال وقد تاخرت سنين في الحمل حتى رزقني الله بهذا الحمل اسال الله ان يثبته ولا اعلم هل يتمه الله او لا يتمه وعشت مرارة الحرمان
والخوف من هذا الموضوع ولا زلت افكر ،ربما لا يتمه اطوف 10 سنوات انتظر انا وزوجي ولكن دائما اتسال ما الحل
ارجو الاجابه وعدم التسرع والحلف بدون ان يكون مطابق لما يعلم الله انكي ستفعلينه
وجزاكم الله كل خير واسفه على الاطاله والموضوع
شاركي في النقاش
سجلي الدخول لإضافة تعليق.
التعليقات
33- انا عن نفسي اموت ولا اشوف مع وحدة غيري
مش تسرع او غيرة او او او او او لا قناعة قوية
هذى الي رب العالمين كتبة واحنا ان شاء الله رضين بحكم الله
مع العلم ان زوجي هو السبب انا عندي شي بسيط بس انا لايمكن
افكر في الابتعاد الان فية حريم كثير عنده عيال بس ازواج ما فيهم فائدة
يخلي المراة تكره حياتها الحمد الله عندي رجل ما ابدله برجال العالم
الله كريم
الى اخر يوم في عمري عندي امل برحمة رب العالمين
وهذي وجهة نظر شخصية
\\\ اختلاف الراي لا يخلف لي الود قضية\\\
يااااااااااااااااااااااااااااااارب يرزق كل محرومة
ومايحتاج الى كل هذي لامور الي تتعب القلب
الله كريم - اختي عنود الخليج
اشكرك على المرور
ومن قال لش اني بفرح اذا شفت زوجي مع وحده غيري الله لا يقول امين حزت الاذان الحين يا رب
وهذا مش تناقض
الله خلق قلوبنا كذا وحلل هالشيء هل هنا تناقض للحكمة حاشى لله
بس جد والله احييش وادعوا الله يفرج لش همش يا رب
احييكي على احترامك لقدر زوجك رغم ان المشكلة منه واعترافك بفضلة
انا موضوعي يناقش اهم شيء اعترافنا بافضالهم علينا كي يزيدنا الله بركة فيهم لاننا اذا شكرنا الله
فانه يبارك لنا ما شكرنه عليه لقولة تعالى (ولئن شكرتم لازيدنكم )
فهذه صفات الكريم ان يعترف بالفضل
ويسر الله لكي زوجك وبارك لكي فيه ولكن جد اختي
عند سؤال لكي برى الموضوع هل انتي بهذا الشكل ضامنه انه ما يتزوج عليكي وهل لو رزقكي الله بالذرية الطيبه وفحص زوجك وقال الدكتور انه اصبح سليم بفضل الله
هل ستبدئين بالخوف من ان يتزوج عليكي وان جزء كبير من صبره عليكي في التعامل وعطفه هو احساسة بالنقص من ان المشكلة منه
لاني اعرف ان الرجل الشرقي يعتبر ذلك اهانه وهذا ما تستغله الكثير من الزوجات في وضعك وتقوم بفرض شخصيتها والغى شخصيته شيء فشييء
بس جد والله انا لم اقصدك باي كلمة انما استفسر فقط واعلم ان الله خلق وفرق ولكن ما نراه في دنيانا يثير العجب
وتسلمين على المشاركة ورزفكي الله ما تتمنين - انا زوجي عنده 3 اطفال من زوجته الاولى الله يرحمها عشان كذا مومهتم ابدااااا
انا حارقه دمي نفسسسي اصير ام واجرب الحمل والولاده زي كل انثى
بس الحين معوضه نفسي بعياله الله يحفظهم يارب واعتبرهم كانهم عيالي الي ماجبتهم
الله يرزقنا يارب - انا عن نفسي اموت ولا اشوف مع وحدة غيري
- موضوع حلو للمناقشه........
انا زوجه اخوي كانت ماتحمل و كان منها السبب واخوي ماتتزوج عليها يوم صار لهم 7 سنوات امي الحت عاخوي بس اخوي مارضي
والحمدلله السنه اللي بعده جابت ولد (انابيب) الله يحفظه لهم وعمره الحين 3 سنوات ,وهذا الكلام قبل انا لاتزوج ..وكنت اشوف امي عاحق واقول زوجته انانيه ليش ماتسمحله!!!!!!! الحين لما اتذكرها اقول وشلون كان شعورها (علما اني ماتدخلت بينهم بس كنت احكي مع امي)....والحين موضوع انه يتزوج علي ينرفزني وتضيق الدنيا بعيني
بالنسبه لولدي حسب عمره ومده الزواج اقوله يتزوج واقنع زوجته بالاول
بالنسبه لزوجي في بدايه السنه الثانيه كان دايم يلمحني بالزواج وانه انت بتخطبيلي واولادي بيصيروا اولادك ومن هالكلام بس قلت له اذ بتشوف حالك ان بعد نفس الشي اهلي مايرضون لو رضيت خصوصا توني مش كبيره (قبل عمري 24سنه)
احب اقول شغله...كل اللي اعرفهم ماجابوا عيال وطولوا متزوجين عليهم رياجيلهم الاحظ ازواجهم متعلقين فيهم مره ويحبونهم وتلقي اشكالهم اصغر عمر من الثانيه(لان الحمل والولاده يكبروا) ومهتمين بانفسهم مره واذ جا يومهم يلقى البيت هادي يعني استجمام
وكمان واحد زوجته الاولى دايم ياخذها لسبورماركت والمشاوير الصغيره واذ قالت له الزوجه الثانيه قال انتم عايله.....خخخخ ماكاني طلعت عن الموضوع واسفه للاطاله
ايوه نسيت اجاوب عاموضوع........ماقوله ماقصرت ولا خاين عشره ابرضى بواقعي واعيش حياتي عادي بس الازمه راح تكون من يوم الخطبه لشهر البصل حقهم (بدا شغل النسوان:30:
طبعا بيكون طاير فيها افضل الابتعاد خلالها .......كاني دخلت جو فال الله ولا فالي الله يخليه لي واكون المراءه الوحيده بحياته
مواضيع مشابهة
تابعي تجارب أخرى من هذا القسم.