بديت أعلم ولدي استخدام الحمام ... ولكن.......!!!

الله يكون في عونج حبيبتي .. وبعد في عون ولدج فديته.

الغالية اذا حسيتي ان الولد خايف بالمرة ومب قادر يتجاوب وياج فالأفضل انج تأجلين الموضوع شوي .. يعني أسبوعين أو ثلاثة وعقب ارجعي حاولي وياه مرة ثانية .. بس مهدي له الموضوع قبلها بشوي عشان ما يتفاجأ ويخاف.

بالنسبة للزعل والخصام .. فاحنا اتفقنا انه ضروري طبعاً عشان الولد يحس ان امه جادة في موضوع استخدام الحمام .. لكن الزعل والخصام مب في البداية حبيبتي .. يعني لازم الولد يتأقلم شوي مع فكرة الحمام وعقب ممكن الأم تلجأ لأسلوب الزعل والثواب والعقاب مثل ما تبا.

:icon28:
حمدلله على سلامتج ... تو ما نور البيت :)


ما شاء الله تبارك الرحمن .. عفية عليه الله يخليه لج ويحفظه من كل سوء .. والفال لبطتج فديته :).

وانا وياج طبعاً في ان الياهل اذا تعلم استخدام الحمام فامه بالتأكيد ترتاح من هم البامبرز والتغيير .. خصوصاً اذا كبر شوي يعني خلاص يصير البامبرز عبء.

أنا طبعاً ولدي فديته مثل ولدج الحمدلله أموره عال العال ..... وابشرج .. من كم يوم كنا في مول أول مرة نروح له وما اعرف وين طريق الحمام بالضبط ... وولدي فديته قال لي انه يبا يروح الحمام .. وتميت ادور الحمام تقريباً عشرين دقيقة وهو فديته يتعصر وهو يمشي من كثر ما كان حصران .. وكنت متوقعة احصل نقطتين او ثلاث في هافه .. لكن ما شاء الله عليه فديته قدر يمسك نفسه لين وصلنا الحمام وملابسه كانت نظيفة تماماً .. اللهم لك الحمد والشكر.

وتذكرين سالفة الكبوات .... الحمدلله الحين ما في اي كبوات على الإطلالالالالالالاق .. وحتى انا ما قمت اسأله أبداً وهو من نفسه اذا حس بشي قام وركض على الحمام .. اللهم لك الحمد والشكر.

بس بعدنا وقت النوم .. يعني بعدها السالفة مب ضابطة وايد .. ومع اني كان خاطري اخلص من مرحلة النوم لكني بصراحة مب قلقة لاني قريت انه الطفل عادي يتأخر في التحكم في مثانته وقت النوم حتى لو كان قادر يتحكم فيها عدل وقت النهار .. صحيح اني امدحه وايد يوم يقوم من النوم والبامبرز ماله نظيف .. وصحيح انه قبل ما ينام اقول له (ياماما لا تسوي شي في البامبرز) .. بس في نفس الوقت انا مب حابة اضغط عليه وايد في هالمسألة لاني اتوقع ان التدريب وهو صاحي أسهل بوايد من يوم يكون راقد ومب حاس بعمره .. وان شاءالله تنحل هالسالفة في أقرب وقت.

الله يعطيج العافية يا نغمة

بس تعتقدين أسلوب الثواب والعقاب ينفع في وقت النوم؟؟؟؟؟

يعني الطفل اساساً راقد وما يحس بعمره مب مثل يوم يكون مصحصح ومنتبه لنفسه!!!