بعض التعليقات غريبه !! ومبالغ فيها شوي !!
وحده تقول ان الأحذيه تكلف 7ريال وتنباع ب 150 !! والثانيه تقول اخوي اشترى من
الصين البلايز على نص ريال ... ووزعها هدايا !!
بصراحه انا اقرأ وابتسم فقط :) لأني صاحبة محلات ملابس وعارفه ان هالكلام فيه
نوع من عدم الدقه - مع الأعتذار - لأن الواقع يختلف شوي ..
رحنا للصين وللشرق وتعاملنا مع مصانع بالجمله ورحنا لتركيا ولعدد من الدول ماشفنا
هالأسعار الي تحكون عنها !!
اما القطعه بنص وبريال فهذي موجوده عندنا هنا بديرتنا وكل يوم نشوف اعلاناتهم بالجرايد
وتسمى في العرف التجاري (( استوكات )) يعني بدل ما تنرمي تنباع بأخو البلاش .
طبعا للحقيقه
هناك كثير من التجار يبالغون في نسبة الأرباح ((خصوصا الماركات)) بس مهوب لدرجة
انها بريالين والا بعشره !!
بس فيه ارباح كبيره خصوصا الماركات
اتذكر في احدى الدول دخلنا محل نشتري منه بواقي جاكيت بالجمله بس اشترط علينا
انه يقص((الليبل)) او العلامه التجاريه الي على الجاكيت عشان حقوق الماركه التجاريه
واتذكر انها كانت ماركة - باربري - طبعا قلنا له مو مشكله شيل الأستكر ....وأخذنا الجواكيت
بسعر رخيص نوعا ما حوالي 50 ريال للجاكيت !!
ويوم عرضناها عندنا في المحل ما احد انتبه لها انها مودرن وماركه وكنا نبيعها بعد حساب
مصاريف الشحن والجمارك بحوالي 90 ريال ..وما مشى منها الا النص تقريبا !!
وكانت نفس الجواكيت تنباع في الماركات ب 380 ريال !! وفي التخفيضات ب 220 ريال !!
المهم ان البنات يبحثون عن الأسم فقط وليس الجوده او السعر وهذا واقع ..
تحياتي
تعالوا شوفوا حقيقة الماااركات ....... حسبي الله عليهم ....
متابعة النقاش، صفحة 18