السلام عليكم ورحمة الله وبركاته
الصراحة ما شاهدناه شيء يسعد ويبسط أي إنسان لاسيما المرأة في مجتمعنا السعودي , فوجود مثل هذا الرجل شيء يفرح الله يخليه لزوجته ويديم السعادة بينهم . والصراحة بادرة خير إن فيه رجال سعوديين يهتمون بالذوق والديكور لأنه فن في حد ذاته وأنا أعرف وحدة صديقة لي زوجها حاصل على الدكتوراة في الديكور من أمريكا وطبعا بيتهم عبارة عن حوش كبير وفلة ودار ضيافة داخل الحوش مع الحديقة طبعا ( وما يحتاج أوصف لكم كيف بيتهم والله انه ضرب من الخيال شيء لا يمكن لإنسان تخيله بسهولة وفيه ذوق وديكورات مختلفة من رخام مع سيراميك مع زجاج مع أخشاب شيء ولا في الخيال لأن زوجها طبعا فنان وصاحب ذوق ودعم هذا الشيء بالدراسة وماخذ الدكتوراة حتى إن بعض الزميلات ينصحون بعدم زيارتها لأن البيت شكله يعور القلب) الله يسعدهم يارب.
عندي بعض الأسئلة يا مهندس لو تكرمت ترد لي عليها لأن عندي بيت وفي مرحلة التشطيب.
س1 ) الصراحة كنت أعيش في دوامة طوال سنوات بالنسبة لاستخدام البوية في الحمامات الأربع اللي عندي والكل يسخر من هذي الفكرة أول ما أطرحها وخفت أندم إذا حطيت بوية . ويوم شفت الصور حقت حمامكم كان الأمل عاد لي من جديد ولقيت احد مسويها فابغى اسأل هل هي فكرة عملية لاني ابغى احط السيراميك بارتفاع متر ويبقى طبعا مترين بوية تناسب لون السراميك لكن البوية المائية ما اشوف انها تصلح للحمامات وكيف باغسلها بالماء كل يوم خاصة إذا بقعت من الأطفال او حتى من الكبار فهل غسلها سهل؟والا احط الزيتية وما راح اندم؟
س2 ) كم سعر البوية لأن متوسط مساحة كل حمام عندي 2 متر في 2 متر؟
س3 ) أيش نوع أرضية الصالة اللي عندكم في الصورة وبكم سعر المتر المربع؟
س4 ) ايش نوع الحجر اللي في الصالة وهل تركيبه سهل وبكم سعر المتر ايضا لأني فكرت احط من في الصالة بارتفاع متر ايضا فما رايك وهل تنظيفه سهل وكيف ؟
س5 ) هل ممكن تعرض المطبخ لو سمحت حتى نستفيد أكثر إذا ما فيه إحراج ؟
في الختام اشكر لك سعة صدرك وارجوك ما تبخل عليه بالإجابات لأنني في مرحلة تشطيب والصراحة بعد عرض الصور تغيرت بعض الافكار عندي بدرجة كبيرة.
صالتي قبل وبعد.........كما وعدتكم.
متابعة النقاش، صفحة 32
