دوائر التوست .. بصلصه الثاوزند آيلند

:cook:السلام عليكم ورحمة الله وبركاته


اليوم جايبه لكم طبق سريع ولذيذ وخفيف
ما تدرين هو ساندويش ولا سلطه أو بالأصح جامع الإثنين


المقادير :

- توست عادي + توست أسمر ( أو نوع واحد إذا تحبين )

- باذنجانه كبيره مقطعه مكعبات صغيره .

- بطاطه كبيره مقطعه مكعبات صغيره .

- علبه صغيره ذره .

الصلصه :
- 1/2 شده شبنت مفرومه .
- 1/2 كوب صلصه ثاوزند آيلند .

للتزين : ( شرائح خس + خيار + طماط رقيقه ) .


الطريقه :

1. نقلي مكعبات الباذنجان + البطاط لغايه ما تتحمر ثم نصفيها من الزيت ونحطها على ورق ماص .

2. نخلط صلصه الثاوزند آيلند + الشبنت في الخلاط الكأس قليلا لغايه ما تمتزج المكونات .

3. نخلط في ماعون الباذنجان + البطاط + الذره + الصلصه جيدا بالملعقه .

4. نقطع التوست بواسطه قطاعه مدوره إلى دوائر متوسطه الحجم .

5. نفرد شريحة توست ونحط عليها شريحه ( خس ) بعدين ( خيار ) بعدين ( طماط ) وبعدين بالملعقه نغرف من الحشوه ونحط كميه مناسبه ونسكرها بقطعة توست بنوع آخر يعني إذا تحت أبيض نحط فوق أسمر ونشكل مره فوق ومره تحت وبعدين نغرز عود أسنان فيه حبه زيتونه .

6. تقدم في طبق مفروش بالخس ومزين بالطريقه الي تحبينها ..


وبالعافيه ..

34 تعليق 4,177 مشاهدة

شاركي في النقاش

سجلي الدخول لإضافة تعليق.

التعليقات

34
  1. @am_aalaaa

    ما شاء الله تبارك الله

    الله يعطيك العااافيه حبيبتى وحده كووووول

    روووعه يا قمررررررر

    وتسلم الايدين وننتظر المزيد :26: :26: :26: :26:
  2. صاحبة الموضوع
    مشكوووووووووووووورين خواتي العزيزات ( أم علاء + ياسمينه )

    على تشجيعكم المتواصل ..

    إنشاء الله تعجبكم ..


    :26:

تابعي تجارب أخرى من هذا القسم.