مقالب حريميه بااااااااايخه؟!

مواقف ترفع الضغط الحمد لله ماقد صارلي كدا

آااه ..يارندلي ومن قالج اني ما انفجعت .. قلتلج هالموضوع ذكرني بأشياء ابي انساها .. ..

أخذو قصتي مع اللي كانت صديقتي والحين صرت اطنشها ولا ارد على اتصالاتها ..
بنسميها ع ..طلبتني ع مره لبس لحفلة خطوبه عند اهل زوجها وانا من الطيبه الزايده عطتها فستان خطوبتي وبدله راقيه كأنها فستان ومعاها شال غرييب ولين اليوم ماشفت مثله ..المهم خذت اللبستين وعلى كلامها انه عندهم خطوبه وحده بس ..وانها بتلبس لبسه وحده بس ..بعد مناسبتهم قالت انها لبست البدله وما لبست فستان الخطوبه ..وخذت فتره لين رجعتهم ((كم اسبوع)) ومارجعت الشال وانا ما انتبهت انها مارجعته ..بعدها بشهرين تقريبا كلمتني تبي فستان لعرس الناس اللي خذت بدلتي لخطوبتهم ..قلت لها ماعندي غير فستان خطوبتي أخذيه البسيه..قالت ..لا لبسته في الخطوبه ..وبعدها مع الكلام فهمت انها خلت الفستان والبدله عندها فتره ..لأن كان عندهم كذا مناسبه ..ومعزومه على كم عرس ..البست الفستان والبدله وكشخت فيهم لين شبعت ورجعتهم.. ((هي من النوع النساي ..تقول شي وتنساه ..ونست انها قالت انها ما لبست غير البدله مره وحده ))
المهم بعدها ..كان باقي على عرسي شهر وشوي ..وصارت عندنا عشا مهم في قاعه ولازم احضره حتى لو اقعد مكاني ما اتحرك لأن عرسي قريب والمفروض ماطلع بس بحكم القرب لازم احضر ..وفي هالوقت كنت انا طلعت فساتيني القديمه كلها وسويت تصفيه لثيابي ..وفساتيني الجديده اللي حق التجهيز عند المصمم ..قالت لي ع انا اعرف وحده عندها فستان وتبي تأجره ب 500 ريال ..قلت زين باشوفه ..وجابته ..ولا هذاك الفستان الأثري ..خخخ شك ودق ولوعه ..قلت لها مابيه ما عجبني قالت لا حلو لبسيه ..ومادري شنو عقب قالت زين راعيته تقول ماتبيه طاب خاطرها منه إذاتبين تلبسيه ببلاش البسيه..قلت بعد مابيه ..
المهم بعدها قالت لي وحده من صديقاتي انا باعطيج فستاني ..البسيه لأن اذا لبستي فستان جديد من تجهيزك مب حلو تلبسينه بعد العرس المفروض تلبسين جديد في جديد .. وفعلا خذت فستان صديقتي..وهي ماعطتني اياه من نفسها انا ما طلبتها..المهم
كلمتني بعدها اختنا ع تقولي ايش سويتي وانا محتاجه ومادري ايش .. قلت لها والله وحده الله يجزاها خير عطتني فستانها وليله وبتعدي .. وقامت تلمح ..انها تبيه طنشتها ..بعدها باسبوع رجعت كلمتني وقالتها مباشره عطيني فستان صديقتك ..انا هنا انصدمت ..بس زين الله قواني ورديت عليها ..قلت لها لو هو فستاني عطتك اياه لكنه فستان صديقتي ومالي حق.. هي حست من صوتي اني عصبت ..وقالت ..ها ..لا انا فكرتها اهدتك الفستان !! ماكنت عارفه انه بيرجع لها ..يعني حتى لو اهدتني اياه تبين تلبسينه قبلي !؟..((طبعا هالتعليق قلته في قلبي خخخ))
المهم كلمتني بعدها باسبوع ..ونفس الكلام ..قلت لها البسي الفستان ((الأثري )) اللي جبتيه لي .. قالت لبسته لين مليت منه ولا عت جبدي منه ..وهو من زمان عندي .. وشافوه علي ..انا هني انصدمت ..الفستان فستانها مو فستان صديقتها ..والأخت ع .. كانت تبي تأجر فستانها علي !!


نسيت اقول اني لما طلبت الشال قالت لااااااااا ماخذته .. من كثر ما انكرت شكيت بنفسي..
في جزء ثاني من للقصه باكتبه إذا حبيتو ..

لو انا مكانك كان قلت وش وداهالبنت اختك
ويمكن هي من الاساس طالبته البنت اختها

اسم الله عليك خذي كاس غجر بارد واحد لي واحد لك عشان ينخفض الضغط
انا عندي عقده من الناس الي كذا حتى اعيالي ومن زوجي احب الشي يرجع المكانه ويرجع الشي لاصحابه ولو خرب الشي عندي لاي سبب من الاسباب شريت باله
انا مره طلبت من زوجي اشرطة دي في دي الاخ راح وطلبهم من صديقه وماشاء الله على عيالي الي ضاع والي انكسر والي النمخش قلت الرجال طولنا ماعطينه اشرطة عياله ياشتر بدالها ولا عوضهم بقروش يشترون الاشرطه الي يبونه