بديت أعلم ولدي استخدام الحمام ... ولكن.......!!!

حبيبتي ما دامه قادر يتحكم في الكاكا فممكن يتحكم في البول ان شاءالله .. بس المشكلة ان التحكم في البول والكاكا ما يكونون مع بعض .. يعني عادي يتحكم في شي قبل شي.

انتي وديه الحمام كل ساعة ونص أو ساعتين مثلاً .. على حسب معرفتج به وكل شكثر يحتاج يروح الحمام .. فاذا بال فعلاً في الحمام فكافئيه وبيني له انج وااااايد فرحانة وفخورة به .. واذا ما سوا شي فاسكتي عنه ولبسيه ثيابه بس قولي له انج عقب شوي بتخلينه يدخل الحمام مرة ثانية.

وخلال هالساعة ونص أو الساعتين اذا بال على عمره عاقبيه ...... ازعلي منه بجد وكلميه بحزم وعاتبيه ليش انه بال على عمره بس بدون ضرب ووديه لين الحمام وقولي له (البول هني مب في ثيابك) .. واحرميه من الشي اللي يحبه ولازم يعرف هو انحرم منه ليش .. يعني طبقي الاستراتيجية مثل ما قلت لج .... وحتى لو بال على نفسه مرة ثانية وثالثة بعد استمري على نفس الموقف لييييييين يبول في الحمام فعلاً .. بعني لا تتراجعين عن زعلج وعقابج الا يوم يبول في الحمام.

وان شاء الله تكون في نتيجة ترضيج وتريحج.

:2thmup:

أواااااااااافق وبشدة.

ومب بس لا تبالغون .... بعد لا تستعجلون .... يعني خلو الياهل ياخذ وقته في التدريب حتى لو احتاج كم شهر .... مرده في النهاية بيتعلم بيتعلم.

يعني الدنيا ما بتطير :wink:

السلام عليكم
ولدي عمره سنتين و7شهور
والله يعيني عليه توني والده من شهر ونص
وابوه يقول لازم تعلمينه والمشكله مهب فاهم أبدددد
اجلس معه في الحمام مايسوي إذا لبس السروال سوا فيه واذا طلع منه شوي في الحمام يمسكه وهو متعجب وش ذا؟
المشكله انه مابعد صار يتكلم بكلام مفهوم ويفهم زين اذا كلمته يعني مايدري وش السالفة ويزهق من الحمام ويجلس يتثاوب ويرقد علي بعض المرات افكر اخليه واحيانا اقول فتره وتعدي بس انه يسوي على الارض ثم يتنجس البيت خاصة من الكاكا
لي خمس ايام ولا مره سواها في الحمام؟؟؟
شجعوني اكمل ........

انا بعد باقترح عليج اقتراح نفعني يوم بديت أعلم ولدي .. قبل ما نبدا التدريب الفعلي علمته في البداية الأسماء .. يعني مثلاً أحيانا كان يبول يوم اسبحه .. واول ما يبدا يبول طبعاً يوقف وما يتحرك لين يخلص (وهذه بالمناسبة حركة لا إرادية) .. فأنا كنت انتهز الفرصة واقول له (انت الحين تسوي بول) .. وأأشر له وأقول له (هذا بول) .... ونفس الشي بالنسبة للكاكا .. يوم كنت ابدل له البامبرز ويكون مسوي كاكا اخليه يشوف البامبرز باللي فيه واقول له (هذا وع هذا كاكا).

وما بديت وياه عملية التدريب الا عقب ما تأكدت انه فهم الأسماء زين.

بعدين حبيبتي طبيعي ان الولد يتملل من الموضوع في البداية .. يعني أي طفل في الدنيا ما بيكون مستانس وهو محكور في الحمام عشر دقايق والا ربع ساعة ..... وطبعاً الحمام التزام كبير بالنسبة للطفل ... بس طبعاً مب على كيفه يعني لازم لازم يتعلم :S_45:

السلام عليكم يالغاليات انا عضوة جديده موضوع جميل انا مشكلتي مع ولدي عمره سنتين وثمان شهور بديت اعلمه من شهر ونص الحمدلله ينام من غير بامبرز ويطلب الحمام اذا فيه بول بس المشكله في الكاكا مستتتتتتتتتتتحيل يسويها في الحمام رافض تماما يسويها في ملابسه والله تعبت ومسكين يمسك نفسه لحد ماصابه امساك لا ويقول عادي اسوي سلوال ..يعني سروال ..وماما غسله...:hahaha: