(“'•.¸§((`'•.¸* --- الجزء الثاني من المسلسل الإجرامي --- (مافيــا الأناقـه ) *¸.•'´)

متابعة النقاش، صفحة 397

شاركي في النقاش

سجلي الدخول لإضافة تعليق.

التعليقات

2,045

  1. @ngla2000

    رورو الحلوه
    ()بنت ابوها () رورو الحلوه شجعتيني على الروج طيب ما حسيتي ان شفايفك نشفوا ؟ اغلب الارواج السوبر لاستج ينشفون الشفايف و يقشرونهم ؟؟ ما أستخدمته غير مره وحده فما أقدر أحكم عليه .
    السلام عليكم:27:

    أختي حبيبتي صديقتي ,,,,,,,,,,,,,,,,,,,,,,,,,,,,,,,,,,

    أحب العطور

    أرجع واكررررررررررررشكري وعرفاني وأمتناااااني ودعائي والله العظيم لكي , لاني استفدت من كل الي قلتيه وأختصرت تخبيص كثير ؛ولكن عندي استفساروهو كيف أروح لصنوق البريد؟

    والف مليون شكرياااااأستاذتي :)

  2. kteeer_nice
    هاااااي بنوتااااات ماشالله المافيا منوره برجعة بنات وايد ^_^ يااااااهلا فيج وباهل الكويت .. تصدقين عاد ودي ازور الكويت .. من سنيييين وانا ابي ازورها من اووووول سنه او ثاني سنه لمهرجان هلا فبراير اقول لاهلي ابي اروح الكوي…



    بنات بما انكم تتكلمون عن العطور ..


    حبيت اقولكم عن عطر .. يمكن اكثركم يعرفه .. بس احسهم ظالمينه مو معطينه حقه ..

    << امدحه لاني اموووووت عليه ..


    ريحته تجننننننننن هاااااديه وراقيه .. بجد رووووووعه

    احب اتعطر فيه الصبح اول مااصحى من النوم يا سلاااااام .. وقبل ماانام .. احب انام على ريحته << صار بشر مو عطر :hahaha: خخخخخخ


    عطر Versace Bright Crystal

    الوردي مو البنفسجي ..


    v
    v





    ومثل ماقلتلكم اكيد وايد بنات يعرفوونه ..

    بس حبيت اعرف البنات اللي مايعرفونه عليه :42:



  3. الظاهر اليوم العكس .. يوم انا سهرت الكل نام خخخخخ


    بنات تعرفون شو اتمنى ..؟!


    لو قلتلكم بكسر خاطركم وبتدعووووووووولي من قلب << تلمح لوووول


    امنييييييييتي انام واصحى بيوم من الايام والقى شعري كثيييييف


    ماكسرت خاطركم :( ..!


    والله ودددددي شعري يصير كثيف .. ودي اطوله واتهنى فيه

    الحين حتى لو طال مااحس فيه لانه خفيييييف لدرجه ماتتخيلونها :(

    وكل ماطال خف اكثر واضطر اقصه


    تكفوووووون ادعولي ان شعري يصير كثيييييييييف وطويل وصحي يمكن سبحان الله دعوة وحده منكم تستجاب ..

    والله متعقده منه :(


    الحمدلله على كل حال ..



    << من الفضاوه مو عارفه شسوي ..! هههههههه بروح ارتب اغراضي غرفتي حوووسه وحالتها حاله .. وبعدها بنام

    تصبحون على خير .. واشوفكم بكره ان شالله


    وسامحوني لو ازعجتكم بكلامي اللي قلته .. بس حبيت افضفض قبل لا انام هههههه


    ^_^

  4. @bnt_aboha_55

    صاحبة الموضوع
    () بنت ابوها ()
    السلام عليكم و رحمة الله و بركاته عمليه المافيا ال 13 .... :cook: 1- ما المطبخ المحبب إليك ؟ و لماذا ؟ ايطالي .. شامي .. فرنسي .. امريكي .. ياباني .. مغربي .. الخ 2- اتيكيتك الخاص على طاوله الطعام ؟ سواء بالبيت او بالمطعم او بعز…
    1- ما المطبخ المحبب إليك ؟ و لماذا ؟
    ايطالي .. شامي .. فرنسي .. امريكي .. ياباني .. مغربي .. الخ

    بصراحة انا وحده احب الاكل بجميع انواعه و اصنافه .. اعتبر نفسي متذوقه ممتازه و احب اجرب و اتذوق :cook:
    مرات ادخل مطعم جديده علي و امسك المنيو و اطلب شي غريب (طبعا حظك نصيبك ! ) مرات يجي شي وااااااو و مرات اتوهق و احاول اصرفه

    احب الامريكي .. طبعا يتربع على العرش البرغر و الستيك و شيز فرايز <<< تكساس فرايز وينك يا عباااة :22:





    ^^ صوره التشيز فرايز تبع جوني روكت يم يم ، بس لا يقارن بشليزز ! ^^


    احب الاكل الفرنسي ، بس عيبه ما يشبع لو كنتي يوعانه !
    طريقه تقديم الاكل الفرنسي غريبه تلاقين طبق كبييييير و بالنص قطعه قد 4 اصابع و صوص على جنب و شريحتين كوسا مشويه ولااا كم ورقه ريحانه !


    احب الاكل الهندي ، احب فيه البهارات و اللسعه الحريفه


    المكسيكي حلووو و احلا ما فيه تقروش او قرمشه
    احب خبز التورتيلا عندهم و التاكوو و الناتشوز
    الحلو باكلهم انهم يدخلون البقوليات مثل اللوبيا و الذره و الفاصوليا الحمرا و البيضا بطريقه تشهي


    و طبعا احب الشامي بكل اصنافه طيب و رائحة زكيه ( باستثناء الحلويات ما اميل لها كثير )


    الايراني له نكهه خااااااصه .. خصوصا الشلو كباب و السلطاني مع الرز الزعفراني او الرز الابيض .. وااااو :32:


    ما جربت المغربي .. نفسي اجربه


    الاكل الشرق اسيوي ( صيني ياباني تايلاندي ) ما جربت منهم الا الياباني و بمطعم واحد ما غيرت عنه !
    كنت احسب الاكل الشرق اسيوي يعتمد على العيش= الرز و الاكل النيء و الزفرر <<< نظراً لانهم يستخدمون سمك نيء !! و اللي يأرفني اكثر ان كل طبخهم تمرس باليد .. بدون قلفززز :eek:
    بس مره انعزمت بمطعم ياباني و كنت متوهقه ما ادري شقول للبنت ما احب الاكل الشرق اسيوي و لا اواطن بعيشه الله .. ما اقدر اعتذر بتقولي ليش و الله ما احب الاكل الياباني !!!!
    قبل لا اروح اتصلت على صديقتي ( لانها مدمنه هذا المطعم ) قلت لها انقذيني قالت طلبي هالطبق و حفظت اسمه و رحت و طلبته الا يميييييييي لذييييييذ
    كان ربيان مطبوخ و مغلف بصوص و بشعريه مقليه و شي ثاني يتقرمش مدري شنو بس وايد كان طيب و ما في زفره ولاا شي نيء .. و ذقت كذا شغله من اطباق صديقاتي طبعا هم اللي عزموني و صار تبادل ثقافات ههه قصدي ذواقات
    و كسرت قاعدتي و صرت اروح بس لهذا المطعم الياباني (بــس) يمكن اروح لغيره اذا سمعت كلام طيب عن المطعم ما ابي اكون انا التجربه :22:


    يتبع .........

  5. @bnt_aboha_55

    صاحبة الموضوع

    اما حبيب البييييي الإتلياااانوووووووووووو = الايطالي

    وااايد واااايد وااااايد احبه اكلهم طيب و ريحته تدخل القلب لووول .. احب نكهه الاوريغانو و الاعشاب باكلهم و احب معجناتهم يا ربي لو الف العالم كله لا يمكن الاقي اطعم من الصمون الايطالي الفرش يتقرمش من برا و طري من جوى و ما تحسين فيه عجين زايد .. يم يم
    ولااا الموزريلااا .. لا تعليييق
    اكلهم بختصار عذاب عذاب عذاب .. البيتزا و الباستا بكل انواعها و المشروم المقلي و الموزريلا مع الطماط و الريحان و البلسمك .. و ما ننسى الحلو الايطالي

    لاني اعشــق الايطالي ، جمعت لكم صور بعض الاكلات الايطاليه .. آه يا قلبي ساحت سعابيلي و انا احوس و اشووف :icon33:

    طبعا البيتزا و الباستا الاشهر على قائمه المأكولات الايطاليه ..








    مقبل جبن الموزريلا و الطماط و الجرجير
    (بعض المرات يضيفون شوي ريحان للنكهه ) و خل البلسمك و انا احب اضيف من عندي نتفه زيت زيتون .. يمي يمي




    الريفولي الانيق
    يا ربي هالطبق يفرض هيبته .. ما ادري ليش دايما احس له طله ملكيه لووول
    و طبعا الفلنق ممكن تنوعين باللي تحبين .. و الصوص احلا شي يكون كريمي شوي مو حلو اذا صار ناشف




    فرايد مشروم ( المشروم المقلي ) .. لذذذذيذ



    طريقته سهله بس مو اي مطعم يضبطه لان اذا انقلى اكثر من اللازم يطلع شوي طعم زفر :09:
    اهم شي يغسل المشروم مضبوط و يضاف له كميه بسيطه من الخل و ليمون و يرش بالفلفل الاسود و ممكن اضافة ذرات قلليه من الملح ، بعدين تجيبين البيض (يفضل اضافه نقط خل عن الزفره ) و الطحين و البقسماط و تحفظينه بالثلاجه علشان يتماسك ثم تقلينه و تقدمينه مع ترتر صوص او سور كريم او جارلك صوص <<< ترى هذي طريقتي مو الطريقه البروفشنال الايطالين ما ادري شلون يسونه !!
    يبيلنا ننقض على شيف ايطالي اصلي و ناخذ منه كل الوصفات علشان نصير مافيا بحق و حقيق :icon31:


    و ما ننسى الديزيت الاشهر بايطاليا .. ترامسوووووووووووووووووووووووووووووا



    جربوا وصفت الترمسوا تبع هند بالمنتدى خطيررررررررررررررررررررره


    اه بس تعبت من الاكل



    2- اتيكيتك الخاص على طاوله الطعام ؟ سواء بالبيت او بالمطعم او بعزيمة عشاء...

    اهم شي الترتيب و النظافه سواء بالبيت او عزيمه او مطعم ما احب الحوووسه الزايده و قت الاكل !
    ولاا احب الازعاج المالغ فيه .. مثل بعض المطاعم يكون صوت الموسيقى عاااالي لدرجه ما اسمع اللي جنبي!
    او المكان مترووووووووووس ناس و قرقرقرقرقرقرقرقر اتوتر و اتنرفززز !

    احب يكون جنبي الاغراض اللي احتاجها مثل ملعقه .. شوكه .. سكين .. كلينكس .. ملح .. الخ الخ

    و احب اترك المكان من بعدي نظيف و مرتب مثل ما دخلت له ..



    3- عددي تصرفات تزعجك و تقرفك تصدر من البعض على طاولة الطعام ؟

    التصرفات اللي تزعجني ذكرت سلفاً .. من اصوات و اكل باليسار و سوالف بايخه و قت الاكل

    و يزعجني اللي ياكلون بسررررررررررررررررررررررعه و يطلعون صوت همهمه .. كأنه عمرهم ما كلوا !
    مع اني سريعه نسبياً بالاكل ، بس انزعج من اللي ياكلون بسرعه بسرعه لدرجه ما يتطعمون بالاكل !!!

    و يزعجوني اللي يطبون بحضني علشان ياخذون شغله بعيده عليهم !
    على اساس يستحون يطلبون او ما يبون يزعجني !! <<< وايد يسويها اخوي الصغير و اتنرفزززززززز

    و اتضايق من اللي يمسحون خشمهم = انفهم بالكلينكس او حتى حلجهم = فمهم و يحذفون الكلينكس على الطاوله غير مبالين بالموجودين ، و الادهى ان بعضهم من الذرابه الزايده يقطونه بنص الطبق بعد ما يخلصون !! طيب راعوا شعور اللي ممكن ياكلون بالطبق بعدكم @@

    يضايقوني اللي يترسوون الملعقه اكل و يفتحون فمهم لدرجه تبين اللوز و يلحسون الوسخ اللي برا الفم ..بطريقه بشعه و نهمه!!