اخواتي هل تفرق سنتين زيادة ؟؟؟
السلام عليكم ورحمة الله وبركاته
انا بقولكم مشكلة خالتي اللي هي مدخله نفسها فيها هاليومين
خالتي ماشاء الله تبارك الله انخطبت من فترة قريبة واهل الخاطب لما اتصوا على جدتي الله يهديها قالت لهم ان عمر خالتي 33 مع انها في الحقيقة عمرها 35 يعني الله يهدي جدتي مدري ليه غيرت الحقيقة المهم هو الخاطب بعد مو صغير عمره 42 وعنده اسباب انه ماتزوج لحد هالعمر وشرحها لأخوالي وهم مقتنعين فيها ولله الحمد .. وصارت شوفة والحمد لله كل واحد منهم اعجب الثاني واهله اعجبتهم خالتي لأنها ماشاء الله ماشاء الله .. الله يحفظها شكلها ابدا مايدل على عمرها يعني يعطي انها وحدة بالعشرين ..
لكن المشكلة لما خالتي راحت تصلح تحاليل الزواج وهناك اخذوا صورة لدفتر العائلة وكتبوا عمرها الحقيقي 35 وارفقوا صورة دفتر العائلة مع اوراقها اللي بيستلمهم خطيبها ان شاء الله .. وهنا صارت لها المشكلة .. لأنها بس متضايقه وتحاتي .. تقول اكيد راح يهون لما يعرف ان عمري 35 والافكار تاخذها وتودي فيها وضايق صدرها بقوة وتقول متأكده راح يغير رايه من اول مايستلم الاوراق ..
وصارت تقول انا كبيرة ومدري ايش
فاخواتي انا ابي رايكم .. هل افكارها هذي صحيحة ؟؟؟ وهل ممكن فرق سنتين في العمر ممكن تخليه يغير رايه بالزواج مع انه حتى بفرق السنتين بيكون اكبر منها بـ 7 سنوات ؟؟
وكيف نقدر نبعد عنها افكار انها كبيرة ومحد راح يبيها ؟؟؟
الله يجزاكم خير ويفرج همومكم