يابنات الله يسعدكم ساعدوني زوجي طنشني ودخل نام وأنا ميتة من البكاء والقهر إيش أعمل

السلام عليكم..
يابنات ساعدوني اليوم زوجي :arb:خرج من الساعة 12 تقريبا وراح عند أصحابه يلعب بلوت..المهم أرسلتلوا مسج يجذب أي رجال يحب زوجته ويخليه يرجع جري ع البيت مع العلم انه هو له كم يوم يبغى يقربني "فاهميني طبعا" آسفة ع الجرأة المهم انه انا كنت بأحاول أتهرب لانه أتكلمت معاه في هذا الموضوع من بداية الأسبوع انه ماراح يمدينا لاني نسيت آخد حبوبي كم يوم وخايفين من الحمل وهو كان موافق تماما وهذا هو الشيئ اللي خلاني أرفضه لمن يحاول يجيني بس طبعا بذوق وطريقة حلوة..
المهم بعد ماأرسلتلوا المسج طنشني وماجاء,,أضطريت أتصل فيه بعدها يمكن بساعتين وطلبت منه بأسلوب حلو جدا انه يرجع للبيت لاني مستنيته وجالسة لوحدي وبرضوا طنشني
المهم انه مارجع البيت الا بعد صلاة الفجر وانا ولله الحمد حاولت أمسك أعصابي ونجحت في البداية..دخل هوالبيت وجا
وقال:انت لسة صاحية
قلتله:انا قلتلك انه انا مستنيتك...حاول يسكتني ويضحك علي بكلمتين ولمن انا أعطيته ظهري خسرني ودخل ينام ..رحت وراه ع الغرفة بس هو ماأهتم لعب شوية في جواله ساعتها ارسلتله مسج وانا نايمة معاه في نفس السرير قلتله: إلى أغلى الناس فعلا خيبت أملي الكبير
وبعدين نام،وطبعا انا جلت ابكي وصحي وسألني ايشبك؟ تعالي نامي في حضني بس انا زي الغبية مارضيت إنه كنت مقهووووورة جدا المهم هو زعقله كم زعقه:mad:وقالي اذا تبغي تروحي بيت اهلك روحي وأعطاني ظهره ونام وأنا ميتة بكاء...ودحين انا مني عارفة ايش اعمل ماأبغى أروح لأهلي أبدا لأن بابا من النوع اللي يكبر المشاكل وانا ماأبغى يصير بينهم شيئ وأصلا العيشة عند بابا صعبة جدا هو منفصل عن ماما وأخواني اللي عنده لسة يبغوا يخرجوا من تحت سيطرته بفارغ الصبر لإنه صراحة قاسي جدا جدا جدا بطريقة ماحد يتصورها....سااااااااااعدوني الله يحققلكم اللي في بالكم
هو جرحني لمن قلي روحي بيت أهلك والله محتارة.