تكفوووون يابنات اللي ماتقدر تساعدني بس تدعيلي احس اني بموت من همي

السلام عليكم ورحمة الله



بصراحه مو عارفه اشلون ابدا بالموضوع متضايقه حييييييييييييييييييييييييييل ومو عارفه كيف اتصرف مالي احد اشكيله او حتى اشاوره الا انتم واتمنى اللي ماتقدر تساعدني يكفي انها تدعيلي انا بجد محتاجه دعواتكم والله مالي احد بعد الله غيركم مشكلتي ظغوطات مالها حد من تحدد زواجي وانا كل يوم بهم
اهل المعرس عطونا المهر حاولت اقنع امي انا نوديه البنك رفضت اللي صار يااخوات اني نزلت السوق مرتين وكل ماادخل محل واشتري شي امي تاخذ زيه وتشتري لااخواني وللبيت وكله من المهر واذا احد احتاج فلوس تقوم تعطيه من ال 100 الي 2000 ومااهتميت واحاول اصبر نفسي المهم قالتلي صاحباتي على محل فيه تخفيض وصورتلي لبس مره حلوه وسعره رخيص انا طرت فيه ورحت لاامي اقولها ابيه واقنعها ننزل السوق خصوصا انه اخر يوم ف التخفيض المهم بعد معاناه نزلنا السوق لما جيت اشتريه قالتلي مامعي فلوس وين الفلوس ليش ماجبتي قالت احنا جايين بس نتفرج وربي خنقتني العبره وطلعت من المحل وصارت تهاوشني ليش يعني اذا ماجبت الفلوس ومن هالكلام اليوم الثاني جا ابوي يهاوشني وقلي انتي تبين تشترين بالمهر ملابس المهر خلاص انصرف ومافي ولا ريال ف البيت وهذي الفلوس مو لك هذي لي انا وماراح اعطيك ليش عشان تشترين ملابس انا حسيت اني مو قادره اوقف ع رجولي مو عارفه اش اسوي فيني حزن رهيب احس مالي احد بها الدنيا ولااقدر اشكي من اهلي لو على موتي بس ليش يسون فيني كذا ليييش

طيب كيف اقنع ابوي ان العروسه لازم تجهز وان هذا مهري ومن حقي انا الله يسامحه بس

58 تعليق 3,037 مشاهدة

شاركي في النقاش

سجلي الدخول لإضافة تعليق.

التعليقات

49
  1. @dodo_7

    الله يهديهم يارب

    لازم تخلي اي احد عزيز على ابوك تروحين وتكلمينه بحيث انه هو يقنع ابوك

    يمكن يكون حل؟؟؟؟

    وربي ييسر امرك
  2. @rfyf_alhrby

    عطر وورد 2009 ان شاالله ربي يوفقك ويسعدك مع زوجك وصدقيني بعد الزواج راح تنزلين السوق عالقليل بعد شهر خذي نصيحة مني من البداية عودي زوجك ينزلك السوق اذا تعود والله اهو راح يجيك ويقولك يالله السوق لو تشتري شي تافه
    على فكرة حبيبتي في قبايل من عاداتهم البنت ماتشتري قبل الزواج بعد الزواج زوجها يوديها و ان شاالله زوجك مايقصر معك وصدقيني ما بعد الصبر الا الفرج ومثل ما قالت اختي dodo كلمي احد عزيز على ابوك يمكن يقدر يساعدك
    وفي النهايه لا أملك غير الدعاء لك
  3. @mhbh_algnan

    حبيبتي حاولي تصدقين بمبلغ لو بسيط وبعدين ادعي ربي اخر الليل في صلاه القيام ان ربي يخلف لك خير من المهر والاهل

    وادعي ان ابوك وامك ربي يحنن قلبهم عليك وان ربي يرزقك من اوسع ابوابه وقولي بعد كل صلاه

    ((اللهم مالك الملك توتى الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شئ قدير ,تولج اليل فى النهار وتولج النهار فى اليل وتخرج الحى من الميت وتخرج الميت من الحى وترزق من تشاء بغير حساب ,رحمن الدنيا والاخرة ورحيمهماتعطى منهما من تشاء وتمنع من تشاء ارحمنى رحمة تغنينى بها عن رحمة من سواك

تابعي تجارب أخرى من هذا القسم.