عندي بنت عمرها 3 سنوات وطفل عمره 4شهور والمشكله انها تغار منه وتضربه وتسوي فيه الهوايل
وانا احس اني اميل اكثر للبيبي وهي دايما مااتحملها واهزئها واضربها ضرب جنوني لاني فعلا افقد نفسي واحس اني اضربها بدون وعي ولما اخلص اندم اشد الندم وحتى وانا اضربها كاني مو انا ولا كنها بنتي وكن احد يشجعني ويقول احسن اجل قوي الضرب مدام انتي حطيتي يدك عليها..
واليوم وهو نايم صاحت في اذنه وخاف وقام يبكي وانا ماصدقت انه نام طبعا خاصمتا وانا احرق في نفسي وامسك نفسي واضرب في رجلي طبعا هي خافت وقعدت تبكي وانا من الزعل ضربتها كم ضربه في ضهرهابالمنشفه وهي ملفوفه طبعا ولما خلصت قعدت شوي مع البيبي وقالت ليه يامااااااااااااااااااااااااااااما تضربيني اخذتها وضميتها وانا موت من القهر على الي سويته وصااارت خوافه وتقطع في فمها حتى يصب الدم ولما يضربها احد ماتقول او تدافع وصااارت عدوانيه مالها صديق يعني الطيب معهااا ياحليله منها والعكس(الحين الساعه 4ص وانا من القهر ماقدرت اناا) الله يخلي الي ترد علي وتبرد قلبي القاسي وكيف اتعامل معاهاا:44::44::44:
شاركي في النقاش
سجلي الدخول لإضافة تعليق.
التعليقات
18- لا اله الا الله ولا وحده ردات
- الله يصلحها لك
بس حاولي تتقبلي غيرتها
والصغير عمره 4 شهور يعني عندك فرصه انك تحتوين بنتك في وجود الصغير
ومع الوقت راح هي تتأقلم على وجود اخوها وكمان بتكون واثقه في نفسها انها هي الاهم
اغتنمي الفرصه وسيطري على الوضع قبل ما يكبر الصغير ويحتاحك وتحتاجك هي وما تقدرين توفرين لهم الحنان
الله يسهل امرك ويعينك على التربيه بس لاتدمري بنتك وتدمري كل حياتها انتي من الان تبنين شخصيتها
سيبي عنك العصبيه وخذي الحياه براحه بال لان كل شي بيتعوض الا كيانها لو اهتز
ما راح وقتها ينفع الطبيب النفسي
سوري يمكن تجاوزت حدودي واسفه على الاطاله - الله يكون بعونك
- حولي انك تمسكين نفسك صدقيني كذا ما راح تستفدين ابد بالعكس المشكلة كل مالها تكبر لازم تخلينها تحب اخوها
وحولي انة اذا عصبتي كثري استغفار وخلي لسانك رطب بذكر الله وابعدي عنك الشيطان الا يوسوسلك
بعدين حرام بنتك توها صغيرة واكيد ما تبغينها تصير معقدة قربها من اخوها خليها تساعدك فية تلبسة معك او ترضعة وهكذا
الله يخليها لك ويهديك ان شاء الله - ياعمري انتي انا عندي ولدين واحد سنتين 8شهور والثاني تسع شهور والله ماكنت اضربه ابدا والصغير اهتم فيه ولا احسس الكبير اني ابتعدت عنه بس فتره صرت اضربه وزي ماقلتي اندم اشد الندم لدرجة ابكي وعلى هذا الموال لحد وقفت نفسي والله اني اخذت ورقه وكتبت تعهد على نفسي امام الله اني ما اضربه وعلقتها على باب غرفته والحمدلله صرت اذاعصبت استغفرت ربي وتخيلت شلون انا بكل قوتي اظهرها على طفل صغير ولا بعد ضناي والحمدلله ماصرت اضربه وصار يتقرب لاخوي كثير
وبنتك تغار عشان تشوف انك تهتمي بصغير وتاركته
انا اشوف ولدي اذا بست اخوه الا ابوسه حتى اذا ناديت الصغير لازم انااديه بس الحمدلله تغلبت على عصبيتي
وانتي سوي مثلي جربي ورقة التعهد والاستغفار
الله يهدي بنك ويحفظها لك
مواضيع مشابهة
تابعي تجارب أخرى من هذا القسم.