زواج في بيت اهل زوجك عادي ما تروحن كوفير ولا سوق

:26:بسم الله الرحمن الرحيم:26:

اسمعوا يا حلوات لوعندك زواج في بيت اهل زوجك يعني الي بيتزوج خت زوجك او اخوه وانتي مالك خلق السوق وعندك فستان حلو ولا لبستيه الامره تلبسينه وهذا الفستان حلو لكن موذاك الزود بس حلو وشاريته من ماركه وانتي متملله تروحين السوق وزوجك ما شاء الله راتبه حلو ومو مقصر عليك وغير كذا بعد تبين تحطين لروحك مكياج عادي سوينها مع انك عندك خير بس تبين تسوين كذا عشان تكبرين بعين ابو الشباب وبناتك لازم جديد
من الي عندها عادي ومن الي مستحيل تعمل كذا والسبب والي عاد ي ما يهمها تقول اسبابها
وايش المهم انك ترضي ربك والله الناس بالذات ان الزواج بيت اهل زوجك انا يا بنات سويتها من قبل ما رحت كوفير ولا سوق لكن انا اعرف احط مكياج بس مو زود والحمد لله ذوقي حلو وما ابالغ اذا قلت ولله الحمد صرت احلى الموجودات وانا الحمد لله جميله واحلاهم والكل يقول كذا

يالله نبي ارائكم وهل استمر كذا لو اغير مع ان بعض اعراس اهل زوجي اروح كوفير بس حسب تغلبي على نفسي يعني احاول اقنع نفسي والدنيا يومين ولاتسوى ونفسي اقتصد مع اني مو بخيله ومو مقصره على روحي بس مدري الزواجات قلبي يوجعني واقول حرام انا اعرف احط مكياج ورايحه دورات والملابس عندي حلوين ما فيه شي لوكررتها واعيش صراع تعرفون لا ن كلهم جديد وكلهم كوافير يبي لها قناعه بالذات ان مكياجي زي ما قلت لكم مو ذاك الزود واذا عندك ثلاث بنات تشترين لهم كلهم جديد مع ان عندهم لبس حلو ما لبسوه الا مره

رايكم اسوي زيهم اقصد سلفاتي وخوات زوجي لو ما علي من احد

27 تعليق 2,992 مشاهدة

شاركي في النقاش

سجلي الدخول لإضافة تعليق.

التعليقات

25
  1. @alfoz_1

    السلام عليكم ..
    اختي فعلا الموضوع هذا يحتاج قناعة داخلية ، و أنا الحين في هالأفكار وآخر ماقررت ماعلي من أحد ، ماني رايحه كوافير ، وأنا ماعندي دورات مكياج لكن باسوي اللي اقدر عليه ، وماراح اضغط على نفسي وأصرف فلوس على الفاضي ، واللبس مايهمني أحد أهم شي حلو علي ، تدرين في ملكتي تحددت مستعجل وكانت على أهل البيت بس ولبست فستان سهرة عندي وكنت لبسته أكثر من مره ، وأنا عادي أروح بالفستان زواجات كثيره ، واللبس أكرره في المناسبات ، ماهو من بخل إلا من قناعة داخلية ،وماهو كل مناسبة لقريب مرره أروح كوافير لا حسب إذا ودي اكشخ هالمره ومزاجي رايق رحت ، ولا غيرها آخرتها صداع وراسك يوجعك من الكوافيرة واللي مسوينه فيك .
  2. @am_aagrh

    هلا اختى انا قبل كنت اجاريهم وكل مناسبه لازم كل شي جديد
    بعدين بصراحه زهقت وقلت حرام اللى اسويه مع انه عندي خير بس ما ادري حسيت انى لازم اسوي لنفسي كنترول
    اللبس الماركه اكرره واللي تروح موضته اشيله باالدولاب لين الله يفرجها باالنسبه للمكياج اعرف اسوي زي المشاغل من جد والله
    ليش نروح للمشاغل ويحطون لنا اردي نوع من كريم الاساس والكحل اللى من سنة جدي وانا ما اشتري الا من ماركة ماك وديور بصراحه شئ يغث صح
  3. @adhk_odmaaty_baayny

    انا عادي البس الفستان اكثر من مره اذا كان مميز
    لكن يا اختي مش معقوله ما تروحين الصالون مهما كان هذه مناسبه زواج:p
    على الاقل سوي تسريحه بالصالون
    و الماكياج حطيه بالبيت بما انك ماخذه دورات وتعرفين تبرزين جمال ملامحك:32:
    صحيح كلامك الدنيا ما تسوى لكن ما فيها شيء اذا كنتي تشترين بدون اسراف :26:
    فلا تشدي على نفسك و انتي ما تسوين شيء غلط لو اشتريتي او رحتي الصالون :( دلعي نفسك :26:
    الله يبارك لكم ان شاءالله
    وان شاء الله تطلعين احلى وحده بالحفله :32:
  4. شوفي الفنانه كم فلوس عندها وملايين

    زهقتنا وهي تعيد اللبس ميه مره

    خلاص مدام لبس حلو وماكياج حلو عادي

    ياما حريم تجيك بالعرس جايه من كوافيره شكلها غوريلا يخووف
    ومروعه الاطفال
    والا اللي لبسها جدا عادي وتقولك ارقام بالالفات!!!

تابعي تجارب أخرى من هذا القسم.