منو أخذت ابر حديد بالوريد و ما استفادت؟

:26:مرحبا لا تخافين انا بسابع ومعايا انميا واخد مغذي بلحديد وان شاء الله يرتفع وفعلا لون البول يتغير لا تخافين طبيعي

اختي اهتمي بالكل الصحي وشوفي موضوعي وركزي على وجبة الفطور اول ما تصحين من النوم ملعقه عسل اصلي انا استخدم عسل الغابه السوداء في كاس مويه وبعده بساعه افطر كبدة معاه بندورة مو مطبوخه البندورة ومعاها خس واعصر عليها ليمون واحط فلفل رومي واسويها سندوتش وبعدها اشرب سن توب او تانج وممكن تاخذين معجون التمر تقطعينه وتاكلينه وركزي على العصيرات الطازجة انا جربت عصير التوت الاصلي وعصير قمر الدين وعصير البنجر والله في اسبوع ارتفع من 7 الى فوق 12 اهم شيء وجبة الفطور لازم تقومين وتفطرين لان المعدة فاضيه وتمتص اكثر جربي وادعي لي بتمام الحمل والعوض عن عبد الاله

الحالمة جزاكي الله خير يعني لون البول مش مشكلة....طمنتيني

اسعد امرأة جزاكي الله الف خير
انا كليوم افطر بس فطور عادي .. بس الاشياء الغنية بالحديد مثل الكبدة وغيره اخليها لوجبة الغدا او العشاء بس فكرة اني اخليها على الريوق علشان الامتصاص يكون اكبر
والعسل كنت اخذ عسل سدر على الريق مع ماي بس الحين بالشهور الاخيرة قامت تجيني لوعة و أرجع السوائل لو اشربها ع الريق يعني رجعت لأيام الوحم فصرت ما أكل الا االاشياء الناشفة يعني خبز او بسكوت وغيره...

بس سؤال ما عليك امارة
عصير التوت الاصلي و قمر الدين و البنجر من وين اشتريه؟ هل ينباع بقسم العصائر بالسوبرماركت؟ واللا قصدك بروحي اسويه بالبيت؟ جوزيتي خيرا عزيزتي ماقصرتي
ويارب الله يتمم حملك على خير و يعوضك يارب

شوفي عصير التوت بصراحة اشتريه من محل مشهور عندنا بمكة انه اصلي لكن قمر الدين انا اسويه جيبي قمر الدين تعرفينه وقطعيه وحطيه بطاسه وصبي عليه مويه حاره وغطيه وبعد دقائق تلقينة ذاب حركيه بالملعقه لمن يذوب وممكن تحلينه بسكر مرررررررررررره ممتاز لفقر الدم لانه تين مجفف وطعمه حلو اما عصير البنجر شوفي موضوعي واشربي العصير مع الفطور والغداء والعشاء خليه للكالسيوم هذا نظامي ووجبة الفطور اهم شيء زيي ما قلت لان المعده فاضيه ولا تنسيني من دعواتك واي سؤال في الخدمة جربي واغصبي نفسك في اسبوع بيرتفع انا دكتورتي ما صدقت لمن شافت نتيجة التحليل سبعه وبعد 10 ايام وصل فوق 12

ابر الحديد ما راح تشوفين نتايجها الا بعد شهر تسوين تحليل ويبان