والله حوسه اسامي هالبنات ... مو زي العيال الاسم اللي يخطر في بالك اسدحيه خخخ

انا احب الا سماء الواضحة المعنى العربيه وانا احلى اسم عندي فجر اسم بنوتي وفعلا احلاها غاليه بس غلا انعم واخف

ولا اسم من الي ذكرتيهم عجبني وتحملي صراحتي

مافيه احلى من اسم جنى ومذكور في القراءن في سوره الرحمن [وجنى الجنتين دان] ومعناته وااااااااااااااضح

يعني كل مايقطف من الثمار والازهار حتى وقت الحصاد يسمونه وقت الجنى

وعندك اسم دانه رووووووعه ولو انه قديم شوي او ممكن تسمي دانيه ومذكور في القراءن [قطوفها دانيه ]

واسم جود مره ناعم

و اسم ديم مو ريم لا ديم مره فخم

واخر اسم ميساء احسه يرز البنت ويفخمها اذا كبرت والله يسهل عليك

دانه -تاله-صبا-الجوهره

هههههههههههههههههههههههههههههه اما برحييييه

بنات وش هالأسامي كله كوم و راما كوم

تذكروني بدعاية ساعات راما السويسرية

وبعدين اسم تولين والله يقرونها توليييين من تولي وجهك وتصير مطنزه

واسم سدين والله يقرونها على انها مثنى سد و سدين وسدود

مهما كان المعنى حلو احس بعد النطق وتقبل الناس له مهم

جود وغلا ... كرهتهم من كثر اللي حولي مسمين بناتهم

انا امي تبي نوره

وانا ودي بـ وسن <--- وخواتي عاجبهم مرة

والله يستر مدري وش بنستقر عليه

انا اشوف الاسماء الايام هذي كلها خفيفة وطايرة

بكرة لما يدخلوا المدرسة بتحصل البنت ريع الفصل نفس اسمها

ولأن المثل يقول خالف تعرف

افكر لوجاتني بنت اسميها مريم او اندلس على بلاد الاندلس او نورة اي اسم اهم شي يكون راكز في زمن تطاير الأسماء

اللغة العربية كتز وراح تحصلوا فيها اسماء حلوة وغريبة

مثلا انا حصلت اسم لاونده ومعناه زهرة اللافندر

ابحثوا في الكتب العربية والأشعار واختاروا اسماء مميزة عربية لبناتكم