زوجي طفش من البيت وطلع من يوم الاربعاء اللي فات ما رجع[تم]

السلام عليكم


يا بنات انا رجلي طفش من البيت وطلع والله اني على اعصابي اليوم له رابع يوم ما ادري وينه فيه

جواله مقفل وتلفون الشغل ما يرد عليه وش اسويييييييييييييي

ارسلت له مسجات قلت يمكن حاط جواله على خدمة موجود ومايرد علي :44:

كلمت امه من شوي وقعدت اسولف معها ولا بينت لها شي بس فهمت من سواليفها انه متعشي مع اخوه امس
قلت في نفسي الحد لله انه مافيه شي بس والله مرررررررره منقهره وخايفه مدري عنه وين ينوم فيه :icon33:

والله اني حايسه انا وعيالي في هالبيت ما عندي احد يودي ولا يجيب
ولدي يبي اغراض عشان الحفل الختامي وش اسوي في هالرجال قسم بلله بيذبحني


يوم الاربعاء كنا جالسين في امان الله قلت له ابكلمك بموضوع قال يا كثر مواضيعك قلت له على موضوع نزلته هنا بالمنتدى لان زوجي يبصبص كثير ويحكي بالحريم كثير قلت له ودي اعرف ليش تسوي كذا انا مقصره معك بشي
قال انتي نكديه والواحد ما يقدر يجلس معك دقيقتين بدون ما تنتقدينه وانتي تدققين على كل تصرفاتي وطفشتيني من العيشه معك
قلت له انا ما احب النكد بس تصرفاتك تجرحني
قال الله يلع... اليوم اللي تزوجتك فيه وسبني واخذ شماغه ونعاله في يده وطلع وبس

وش اسوي الحين ادخل احد والا اسكت علما اني مستحيل ادخل اهلي لأنهم للاسف ما يساعدوني كل اللي يسوونه انهم يتشمتون