كيف يستخدم drill؟؟

أخواتي الكريماتي
عندي drill ومعاه اكسسوراته...وحابه أعلق شي محتاج drill لتعليقه .
ممكن حد يوضحلي كيف استخدامه إذا كان الجدار اسمنت / خشب /سيراميك؟ ؟
أنا القطعة اللي عندي أريد أعلقها في الحمام أعزكم الله..وجاي معاها برغين صغار.
وهل لازم البرغي يغلف بالقطعة البلاستيك الصغيرة اللي تكون بحسب مقاس البرغي؟؟
حاولت أجرب في مكان مختلف..بس كأنه الفتحة تكون واسعة على البرغي ولايثبت.

وجزيتم خيرا

14 تعليق 23,072 مشاهدة

شاركي في النقاش

سجلي الدخول لإضافة تعليق.

التعليقات

11
  1. حبيبتي اللي اعرفه انك تسوين ثقب في الحائط اول بعدين تدخلين به البلاستيك اللي بيكون مع البرغي ثم القطعة اللي حابة تعلقيها ثم تدخلين البرغي ويثبث باذن الله:26:
  2. @abn_aaman_1

    السلام عليكم ورحمة الله وبركاته
    اول شي خلي بالش يوم بتستخدمين الدريل لأول مرة لأن صوته وهو على الجدار عالي ويهتز
    وثاني شي يختلف الثقب اللي تبي اتسوينه في الجدار او على الكاشي او على الخشب في عادة صندوق يجي معاه يعني لوازمه تركبيه على الدريل
    الفضي للجدار والأسود للخشي واللي في راسه لمعة خفيفة للكاشي
    وعلى فكرة الدريل مابيمشي على الكاشي الا اذا دقيتي الكاشي بمسمار وحفرتي شوية مكان اللي تبين اتسوين الدريل والا فالدريل بتزحلق على الكاشي فخلي بالش
    وان شاءالله قدرت أفيدش
    وهذي خبرة بسيطة من كثر ما استعمال الدريل في كل مكان
    وتسلمون
  3. صاحبة الموضوع
    ماقصرتي يا بنت عمان...
    العلبة فعلا فيها رؤؤس سوداء وفضية.بس مافيها اللي فيها لمعة اللي تقصدينها للسيراميك.
    يمكن تكون إضافية أقدر اشتريها فيما بعد.
    بس أنا عجولة وشوفي سو سويت لما جربت:
    1-حددت مكان في الخطوط البيضاء الفاضيةاللي بين قطعة السيراميك واللي جنبها.
    2-ثقبت فتحة صغيرة بمسمار عادي.
    3 -ركبت الرأس الأسود وحددت طول الفتحة المطلوبة على الراس بوضع علامة على الرأس .
    4 -للأسف الرأس ماتحمل وانكسر.:08:
    5-جربت رأس أسمك شوي وحفرت قبل الطول المطلوب بشوي.
    6 - حطيت البرغي وغيرت الرأس للفضي،،مشى الحال..بس كأني وسعت الفتحة شوي والبرغي ماثبت.
    وبما إنك لك خبرة في هذا المجال...هل لازم تستخدم الغلاف البلاستيك دائما بغض النظر على نوعية السطح اللي أشتغل عليه.؟؟وعلى فكرة القطعة اللي أريد أعلقها بس جاي معاها براغي وبدون بلاستيك.
  4. @abn_aaman_1

    السلام عليكم ورحمة الله وبركاته
    الرأس الأود للخشب ترى مابينفع وعلشان شذي اتكسرعندش
    استعملي الراس اللي فيه اللمعة حق الكاشي ولما بتوصلين للجدار غيري للفضي مال الجدار
    واذا اتوسع عندش مب مشكلة لأن في رؤؤس بلاستيكية بأحجام مختلفة ممكن الدخلينها داخل على قد فتحة الجدار
    وعلى فكرة لازم الرؤوس البلاستيكية لأن فيها لفة المسامير وهي بتفيدش وايد حق التعليق عامة .
    اما على الخشب فمب ضروري تستخدمين البلاستيك .
    وتسلمين

تابعي تجارب أخرى من هذا القسم.