للكسولات فقط00ياما قريتي عن الخلطات وما تسوينها00هنا الحل باذن الله

يا هلا ومرحبا بكسولات عالم حواء:icon28:
أولا ما راح نوبخك ونعاتبك على كسلك كالعاده
بالعكس هنا بنكرم الكسولات ونكافاهم:love:
تدرون ليش؟؟؟
طبعا اذا دخلتي هالموضوع يعني كسوله والحمد لله أنك ما كسلتي تدخلين اساسا فمجهودك استحق المكافأه
:S_45:
------------------------------------------
أنا كسوله حيييييييل بل و زعيمه الكسولات وحاسه فيكم:crap:
أنا كنت مجنونه جمال وعنايه وصادني أكتئاب الله يبعده عنكم والحين بالعافيه أمشط شعري
طبعا قصه طويله وحزينه ما تهمكم بس انا احب نفسي واريد اصير حلوه لنفسي ولزوجي
طيب كيف؟؟؟؟

:icon10:الحل سهل و بايدي وبايديكم
فكرت اذا الواحده كسوله يعني ما راح تشتري زيوت و مكونات خلطات وتطبخ و تخلط وتلف و تدهن و تغسل
يعني كل اللي يلزمها حل من خطوه واحده فقط!!!!!!!
----------------------------------------------------------

الحل هو الكريمات الجاهزه اللي لها مفعول واضح و سهله الاستعمال و في متناول الجميع
يعني هنا بنسال سؤال واحد لكل واحده تدخل
لو رموكي في جزيره بعيد عن حياتك العاديه وسمحولك تاخذي معك منتج واحد بس وممنوع الخلطات شو هو المنتج الوحيد اللي بتاخذيه معك و ما تستغني عنه ابدا ابدا؟
:7_5_131:

طبعا كل واحده تكتب منتج واحد اللي هو افضل منتج ينباع مر عليها و ما تستغنى عنه حتى لو استخدمت الخلطات بس لا تقولون لي بسوي خلطه من الثمار الموجوده بالجزيره:mad:
المنتج ممكن يكون كريم او جل او لوشن او قناع او مقشر أو غيره
المنتج ما يحتاج لعنايه خاصه يعني ما يخرب و لازم ينحط بالثلاجه
المنتج ليس خلطه و لا مجموعه كريمات مخلوطه
يفضل كتابه معلومات عن طريقه استخدامه و تجربتك معه
في حال كان في بالك اكثر من منتج اكتبيهم في مشاركات مختلفه فالهدف انك تكتبي افضل منتج و منتج واااااحد

----------------------------------------------------------

في النهايه راح يتجمع لنا الصفوه من المنتجات الأفضل و الكسوله تجيبهم وتحطهم عالتسريحه و تستخدمهم بدون جهد كبير
طبعا هذا اذا ما كسلت تستخدمهم:icon31:
ولما تنقشع غمامه الكسل في يوم الله يعينها و تستخدم الخلطات و يصير عندها نظام تجميل مثل البنات النشيطه بس كل شي خطوه خطوه
-------------------------------------------------------------------------------------
وكذا تكتبو مشاركاتكم وراح اكون اول واحده

كسوله حواء رقم 1

منتجي المفضل: قناع تقشير بلو كورن ماسك من بودي شوب أو قناع الذره الزرقاء

Blue Corn 3 in 1 Deep Cleansing Scrub Mask

ما استغنى عنه ابدا ابدا فهو يقشر و ينظف و ينعم و يرطب و فيه طين يمتص الدهن الزائد و سعره مناسب و سهل الأستخدام إغسل وجهي و احطه لحد ما ينشف خمس دقائق و بعدين أبلل ايديني بماي و اقشر بحركات دائريه مده دقيقه و اشطفه أو اشيله بالأسفنجه وبس
ينقذني في المناسبات المهمه و الأيام اللي احس وجهي معتفس فيها
يالله في انتظار ردودكم
:icon35:

120 تعليق 14,033 مشاهدة

شاركي في النقاش

سجلي الدخول لإضافة تعليق.

التعليقات

111
  1. @khrz_2

    كريم اولاي بالتوت البري للوجه ترطيب وتفتيح وريحه حلوه مااستغي عنه ابدا......

تابعي تجارب أخرى من هذا القسم.