أختى وحبيبتى فى الله "السلام عليكم ورحمة الله وبركاته".
أنا قريت مشكلتك ،وأحب إنى أتكلم معاكى فى الموضوع ده شويه،بمعنى إنى مش عايزه أقولك الصبر وأوصيك بيها إلا بعد ما أعرف منك شوية حاجات،أولا :كيف حكمتى على نفسك بأن الحق معكى وأنك على صواب ؟،وكيف حكمتى عليه أنه أنانى ؟
ثانيا:إذا كانت إجابتك أن الواقع يثبت هذا وأنه فعلا كما تقولين ، لى عندك سؤال ثانى : هل تعصين الله فيظهر هذا فى زوجك؟
ثالثا : إذا كان كما وصفتيه ،وإذا كنتى الحمدلله على تقوى وتتجنبين المعاصى ،لى عندك سؤال ثالث :هل صبرتى الصبر الذى يمكن لكى بعده أن تستشيرى فى الطلاق؟ جاوبى على الأسئلة دى وبعدين خدى بالك من كلامى الآتى:-
أنتى بتحبي زوجك فنصيحتى ليكى إنك مش هاتقدرى تبعدى عنه ،وكمان طالما بتحبيه فهو أولى الناس بنصيحتك له وصبرك عليه ده مش زوجك وبس ده حبيبك وروحك وأنا حاسه بيكى .
، حبيبتى عمرك ما تقدرى تفصلى زوجك زى ما انتى عايزه ولكن إذا كانت العيوب اللى فيه ينفع انك تنسيها أو تتغاضى عنها فعليكى انك ما تفكريش فيها ،وإذا كانت عيوب جوهريه يعنى مثلا فى دينه فعليكى إنك 1) تصبرى 2)الدعاء له بظهر الغيب ومن غير ما تقولى لزوجك انك بتدعيله 3) مش كل الوقت تذكرى عيوبه أمامه بل على العكس حاولى انك تبحثى عن أى ميزه فيه ولو بسيطه واذكريها أمامه 4) اهتمى بزوجك أكتر من الأول ولكن بدون تكلف ، وأنا متأكده إنه هايكون بدون تكلف لأنك بتحبيه.5 ) حاولى تقدمى هدايا له وتخليه إذا كان بيفقد فيكى الثقة ،تحاولى تجعلى ثقته بيكى كبيره ولكن ده مش هايكون بين يوم وليله ولكن محتاج إلى وقت كبير ولا تنسى إنك إذا استمريتى على التجربة دى وبعد كده قطعتى وبعد كده رجعتى تانى فكأنك بتبدأى من أول وجديد يعنى لازم الإستمرار بدون إنقطاع
5) الصبر ودى كلمه مش سهله.واللى يساعدك على الصبر أولا ثقتك بالله وثانيا الأجر اللى إن شاء الله يكون من نصيبك وثالثا اللى هايساعدك حبك لزوجك 6) انتى ربنا اختارك فى المحنة دى وبيحبك فإياكى تضيعى الفرصة دى ،وكمان افتكرى مصائب غيرك علشان تشعرى بهوان مشكلتك وإنها إن شاء الله سهله وبإذن الله يكون فى حل ،حبيبتى ما تزعليش من كلامى فوالله العظيم أنا أنصحك وكأنك أختى.، سامحينى على أسلوبى الجاف فأنا لم أكن أريد إلا الإصلاح مااستطعت والله يدى زوجك ليكى تسعدى بيه .
وياريت تطمنينا عليكى وتقولى أخبارك
والسلام عليكم ورحمة الله وبركاته
أختك فى الله
أم عطاء
مههههههههههههههههههههههممممم جدا جدا جدا
متابعة النقاش، صفحة 13