ياامورات كيكة الشوكولاته بالجبن مين الي سوتها

مره في قديم الزمان بس ترى عاد مو زمان مره يمكن قبل شهر او شهرين الله اعلم اخذت طريقة من المنتدى بس للاسف مااتذكر لمين لانه الذاكره عندي ميح المهم وكل يوم يمر وانا اقول ابي اسويها ولا اسويها جيت عاد قلت ابي اسويها اليوم عشان :arb:ينبسط اذا شافها ودخلت المطبخ :cook:وبديت اسويها طبعا اكيد تقولون وشي هي كيكة الشوكولاته بالجبن طبعا خلطة مقادير الكيكه ومن يوم بديت اخلط وانا احسها مو زي اي خلطة كيك وقلت يمكن هي كذا غير لانها صارت زي العجين وحطيت جزء منها وبعدين حطيت خلطة الجبن وبعدين حطيت الباقي من خلطة الكيك ودخلتها الفرن بس للاسف ماضبطت معاي مادري وشلون صارت :icon33::icon33:


عشان كذا قلت اسئلكم ياليت صاحبة الكيكه او اي وحده سوتها وضبطت معها تدخل وتعلمني الله يخليكم والله والله لادعي للي ترد علي برد حلو

21 تعليق 2,379 مشاهدة

شاركي في النقاش

سجلي الدخول لإضافة تعليق.

التعليقات

20
  1. انا مثلك ضبطت معاي الحمدلله

    لكن كميه حشوة الجبن كانت قليله

    عشان كذا خربت وطلع نصفها جبن ونصفها لا

    بس للامانه طعمها حلو مررره
  2. @lfyf

    أنا مره سويتها طلعت رووووعه
    صحيح اني اول ماسويتها احس فيها شئ خطا مدري وشو
    بعدين قلت يالله بس خليني اكملها
    وبعد ما طلعتها وقطعتها طلعت روووعه طعما وشكلا لاباس به
  3. @alrbyaa_aldaym

    حضك حلو امس قريتها في المنتدى وراح تلقينها لو دوتي في الصفحات اللي راحت
    وهذا ذي المقادير بس ياليت تدعين لي ان الله يحقق اللي في بالي0

    اكيد اعجبتكم باعطيكم المقادير على طول:
    مقادير الكيكه :
    مكتوب عندي 2اصبع زبده (حطيت ثلاثة ارباع الكاس زيت)
    كوب سكر وتراها موكثير لان بودرة الشوكولاته اللي بتحطينها كثيره وبتخلى الكيكه مره شوي اذا ماحطيتي كوب كامل يعني كوب موكثير يصير حلاها متوسط وحلو
    3او اربع بيضات
    7ملاعق شوكولاته بودره
    كوب طحين
    ملعقه صغيره باكنج بودر
    مقادير حشوة الجبن:
    بيضه
    كوب جبنه كريميه(جبنة فيلادلفيا)
    واللي ماعندها ممكن تستخدم بديل عنه جبن كيري حطي 6حبات
    4ملاعق كبيره دقيق
    3ملاعق كبيره سكر
    طريقة التحضير:
    اخلطي مقادير الكيكه مع بعض مثل اي كيكه
    في الخلاط اخلطي مقادير حشوة الجبن حتى تتجانس
    ادهني صينية الفرن بالزيت
    ضعي نصف كمية خليط الكيك ثم ضعي خليط الجبنه ثم بقية خليط الكيك
    دخليها الفرن من تحت ومن فوق
    وخلي النار من فوق هاديه علشان ماتحترق الكيكه وبالعافيه عليكم الكيكه
    ولاتنسوني اذا سويتوها واعجبتكم ادعولي
    اختكم تفاحة2008
  4. @rnym3

    انا سويتها
    وطلعت مره مضبوطه تكون ثقيله بس عادي كملي وضعيها في فرن حامي لمدة نصف ساعه وخرجيها وذوقي الطعم شيء خيال

تابعي تجارب أخرى من هذا القسم.