بنات الدمام الأنيقات

السلام عليكم ورحمة الله
أدري فيكم يا بنات الشرقيه كلكم ذوق وأناقه
تكفون يالغوالي قولوا لي أسامي محلات بالدمام (( أسعارها معقوله )) تناسب اللي دخلهم 6000 ريال
أبي محلات دراريع وتايورات كاشخه وأنيقه
لاتفشلوني تكفون واذا ممكن وصف المحل أكون شاكره وممتنه
عسى يوفق كل من قرأت موضوعي أو تكرمت بالرد والمساعده

24 تعليق 3,270 مشاهدة

شاركي في النقاش

سجلي الدخول لإضافة تعليق.

التعليقات

24
  1. @altolh

    مرحبا أختي وسام,,
    محلات الكشخه كثيييييرررررررره.
    عندك مجمع بن خلدون بلازاء.
    وعندك مجمع الواحة.
    وعندك المجمع النسائي .
    وعندك سوق الحب فيه كل حاجه انتي محتاجه له الرخيص والغالي.
    وبعد عندك الحياة بلازه.

    ياقلبي الدمام فيها اسواق كثيره الغالي والرخيص,,,,
    وانا تحت امرك في اي حاجه,,,,,,,:26:
  2. @aanab

    هلا والله
    وانا بعد تحت امرك
    عندك بن خلدون مره حلووو ومسوي هذه الاياااااااام تخفيضات وفوق بعد سيتي بلازا يعني مجمع في مجمعين
    في هذا المجمع فيه محل اسمه برمود احس انه انسب محل فيه ملابس حلوه تنانير وبلايز
    بس اسعاره مو ريخصة مرة ولا غاليه مره
    وعندك الواحة
    والحياة بلازا
    وعندك الكثير غيرهم
    اما اذا تبين الرخيض عندك سابل
    وغيره بعد كثير
    بس دراريع مادري وش تقصدين فيهاوانشاءالله اكون خدمتك
  3. شوفي حبيبتي

    اذا جسمك حلو ورشيقة تحصلين في الدمام في كل مكان حلو ورخيص

    بس اذا مليانه فعجب العجاب انك تحصلين حلو ورخيص

    لانك ماتحصلين الى في الشركات:24:
  4. صاحبة الموضوع
    روحوا عسى الله يوفقكم وينولكم كل اللي تتمنونه في رضى الرحمن
    من كل قلبي أشكركم ولكم مني دعوه حلوه أن شاء الله بظهر الغيب
    بس اذا ممكن اثقل دمي وأطلب زياده
    ودي تدلوني ((((( أسامي محلات بعينها ))) مافيني والله لدوارة السوق وعندي طفلين التسوق معهم مأساة وزوجي ما يطيق السوق تكفون قولوا لي محلات محدده للجلابيات (( الدراريع )) واللابلايز والتنانير في الواحه وأبن خلدون وشارع الحب وعلى فكره جسمي معتدل ولله الحمد ماعندي أي مشكله مع المقاسات

تابعي تجارب أخرى من هذا القسم.