ارجوكم اقروا مشكلتي قبل مااضف عفشي واروح لاهلي

نظمي نفسك ورتبي نوم اطفالك اهتمي بزوجك بسسسسسسسسسسسسسسسس وخلاص وتنتهي كل مشاكلك ياحلوه يعني باقي الحريم ماعندهم اطفال وشغل بيت الا كلنا غرقانيين مع ذلك نداري من هنا وهنا ويمشي الحال يااخيه نظمي حياتك واستعيني بربك الله يعني ويعينك

معليش ان ما شفت ردك إلا بعد ماكتبت ردي..يعني كويس معترفه بغلطك وهذا شي يساعدك انك تتحسنين للافضل..

وعطي زوجك مساحه كبيره يتحرك فيها بدون ماتقيدينه..

واذا على طلباتك ارسلي قبلها الله يعافيك لاتنسى ياابو فلان.....

او الله يجزاك الجنه لاتنسى اللي وصيتك عليه...........

ابتكري حوار حلو...وكل فتره ارسلي مسج غزل..ماشاء الله المسجات مليان المنتدى منها.:heart:

لاااااتصيرين نكديه ,وشكايه والله العظيم راح تخسرين زوجك, خليه يحس بالراحه في البيت ..حاولي تنظمين وقتك ,,وانا عارفه ان هذا شي صعب ..بس ااتكلي على ربك ...ولاتقولين همي كبير ...!!!قولي يااااهم ربي كبير.


وصدقيني اكبر تحدي لنفسك هو طرحك لمشكلتك..
احيييك على شجاعتك.:2thmup:

ليييييييييه كذا ؟؟؟

شوفيني يالغلا
انا مثلك واشد ....
بس الحمدلله رب العالمين صح ضغوط وصح تعب بس ما اهملت في حق زوجي ولا بيتي
اولا
احتسبي الاجر في بيتك وزوجك وعيالك ,,,, هذا جهاااااااد ,,, وهذي فرصتنا في الاجر العظيييييم
عن أسماء بنت يزيد الأشهلية أنها أتت رسول الله r وهو بين أصحابه فقالت: بأبي أنت وأمي يا رسول الله أنا وافدة النساء إليك، إنه ما من امرأة كانت في شرق ولا غرب سمعت بمخرجي هذا أو لم تسمع إلا وهي على مثل رأيي، إن الله بعثك إلى الرجال والنساء كافة، فآمنا بك وبإلهك، وإنا معشر النساء محصورات مقصورات قواعد بيوتكم ومقضى شهواتكم وحاملات أولادكم، وإنكم معاشر الرجال فضلتم علينا بالجمع والجماعات وعيادة المريض وشهود الجنائز والحج بعد الحج وأفضل من ذلك الجهاد في سبيل الله، وإن الرجل منكم إذا خرج حاجّاً أو معتمراً أو مرابطاً حفظنا لكم أموالكم وغزلنا لكم أثوابكم وربينا لكم أولادكم، أفما نشارككم في هذا الخير يا رسول الله؟ فالتفت النبي r إلى أصحابه بوجهه كله ثم قال: هل سمعتم مقالة امرأة قط أحسن من مساءلتها عن أمر دينها من هذه؟ فقالوا يا رسول الله ما ظننا أن امرأة تهتدي إلى مثل هذا. فالتفت النبي r ثم قال: انصرفي أيتها المرأة وأعلمي من وراءك من النساء أن حسن تبعل إحداكن لزوجها وطلبها مرضاته واتباعها موافقته يعدل ذلك كله. قال فأدبرت المرأة وهي تهلل وتكبر استبشاراً».

ثانيا
نظمي يومك لنفسك قبل زوجك ,,, قومي بكيير مو شرط الساعة 8 او 9 ,,, قومي ال11 افطري وفطري عيالك ,,, غيري لبس النوم ورتبي شعرك وحطي روج بس وتعطري ,,, استقبليه وانت مروقة

بيتك ليه وسخ ,,,, ابدي بالظاهر ,,, لا يصير شي بالارض استغلي روحة زوجك لامه ياخذ الصغار معه وتفرغي للترتيب العميق
ودام طلعاته كثيرة استغليها الان لين يتعدل بيتك ويتنعنش ويتسنع ,,,, ان شاء الله تشوفين قعدته بالبيت
لا تلومينه انت بنفسك تكرهين تروحين لناس بيتهم حوسة وهي زيارة فما بالك سكن واستقرار

ثالثا
انت الان تراكمت عليك طلعاته وتطنيشاته ,,,, مليتي وجبت سيرة الطلاق
طيب هو ما تتوقعين تراكمت عنده اسلوبك واهمالك ومتطلباتك وتضيقك عليه

ابدي انشغلي بنفسك عنه .... خليه على راحته ,,, فكي شوي عنه
تشوفين النتيجة ان هو اللي يسولف عليك
حببيه فيك وفي بيتك
ارسلي له رسايل حلوة اذا تاخر برا بدل اسئلة التحقيق وينك وليش تاخرت ومن معك ووو الخ
والله انها تطفش
رابعا
لا تنومين عيالك بالنهاار ابد حاولي قد ما تقدرين
عشان ينامون بالليل مبكر
تفرغي له
ونامي معه لا تسهرين ...



الكلام كثييييير
ابحثي في المنتدى عن كيفية التعامل وش يحب وش يكره
والمنتدى مليااااان

اصلحي نفسك اول ,,,, ثم بيتك وعيالك ,,,,, بيتغير زوجك ان شاء الله
ولا تنسين ان الذنوب هي اكبر سبب للهم والنكد
ومن اصلح ما بينه وبين الله اصلح الله ما بينه وبين الناس



وسالفة الطلاق ابعديها عنك هذا ابليس ومناااااه يتحقق له اللي فكرت فيه

حبيتي كل الازواج يجي عليهم حركات مثل كذا ولانهون حنا الحريم يطلع منا حركات تقهرهم او تنرفزهم
ماانصحك ابد تطلعين من بيتك لانك ماراح تردين كرامتك انتى على بالك اذا طلعتى من البيت راح يندم ويجي يراضيك لا ابد بالعكس راح يعاند وتزيد المشكله وانتى اللى بتراضينه وترجعين منذله ،، لاتحطين في راسك الطلعه من البيت
لانه لازم تعرفين انك اذا طلعتى من بيتك ماراح ترجيعن له اذا تبين كرامتك واتوقع مافيه سبب يخلى الوحده تطلع من البيت الا شي قوى مره يعني لقت يشرب ولا يعاكس ولا شي من هالقبيل
انتى راجعي نفسك وشوفي ليه معصب ؟؟
يمكن انتى بتروحين وتجهزيتي بدون ماتشاورينه وهذا اللى خلاه يعصب ،، لازم تجلسون مع بعض وتتكلمون بصراحه وبدون صراخ لا بتفاهم واسلوب حلو وتحاولين تستعطفينه يعني تقولين له انه عندي طفلين واتعب معهم طول اليوم يعني راعني واذا شفت انى متنرفزه مو منك لا من الاطفال وحوست البيت