السلام عليكم
شلونكم
في البداية احب أقولكم أرجو من أي وحده تدخل تشاركني في الراي لأني فعلاً فعلاً محتاجه حق المشوره ومشكلتي مشكله كبيره
أنا زوجي اول ما تزوجته ما ادري عنه لان الوحده مع مرور الوقت تتعرف أكثر على زوجها عموما انا ما زلت جديده على الزواج وانا مسافره زوجي تركني وذهب لوحده وفجأة اكتشفت انه سكران وما يعترف وأنا انحرجت اني اقوووووله وكانت صدمتي الاولى في حياتي وللحين انا منصدمه ولما رديت بلدنا وبعد تقريبا اسبوع راح مكان يقول عند صديقه وكلمته بالتلفون وطريقته واسلوب واحد شاااااارب
انصدمت واقعدت ابكي شنو الحل أقول حق منو
مع انه زين وفيه شغلات وايد حلوه أخاااااف يتمادى
هل أقول حق امه لان امه شخصيتها قويه
الله يعيني والله يهديني
وعلى فكره انا حاااااامل
شاركي في النقاش
سجلي الدخول لإضافة تعليق.
التعليقات
20- لا حول الله ولا قوه الا بالله العلي العظيم ..
شوفي حبيبتي حولي تحلين المشكله بنفسج قبل ما تدخلين الاهل ... يعني حااولي تقنعينه ترك هذا الشي .. وعلميه ان حرااام وشنو رااح يكوون جزاته عند ربه .. يمكن رااح يخااف ربه ويترك الشي هذاا
واذا مااا فاااد كلش معاااه .. حاولي ان تدخلين واااحد كبير وفاهم وعاقل بالموضووع هذا يعرف شلووون يسيطر على الوضع .. يعني مو يرووح له عن طريق الهواااش واالتهديد لان هذا الشي ماراح يفيد .. بل بالعكس بيزيد في فعل المنكر ..
يعني كلميه عطيه من الاحاديث وسور من القرآآن لين ما يقتنع بان الي يسويه حراااااااااام
والله معاااك ان شاااء الله - مشكوره اختي بس المشكله كبيره جدا وانا ما عندي الجرأة اني انااااقشه لأن كرامتي ما تسمحلي اعيش مع انسان مو مضبووط علشان جذي انا منصدمه شلون أواجه راح يعرف اني موافقه ورااااضيه وصابره وانا ما ني رااااااضيه الله يعيني والله ماتوقعت ان يوم من الايام راح اشوووف جذي لدرجة اني ماني عارفه شنو اسوي محتاره محتاره
ارجوكم ساعدوني ارجوكم انا محتاجه لردووووود - حبيبتي ريم الريم
مرة سمعت شريط أسلامي انه في وحدة زوجها كان سكران فقامت صورته لمن رجع البيت بكاميرة فديوا فعندما قام من وعيه قالت له تعال بوريك شريط حلو فورته الشريط وبعد ذلك تاب ولم يرجع للمشروب
أرجو ان تنفعك هذة الطريقة والله يوفقكك
وارجوا ان تبغلني اذا فعلتيها ونفعت معاش واصبري على ماابتلاك ربك
وشكرا - مشكوره اختي هايدي مشكوره وما قصرتي
بنات رجاءا الي تدخل تشارك ؟؟؟
وشكرا - الله يعينك يا حبيبتي على ما ابتلاك
وانا افضل انك ما تسكتين لان السكوت علامه الرضا
وانا سمعت مثل قصه الاخت هايدي الخليج...
حاولي تكلمينه اذا ماقدرتي دخلي امه بالموضوع....
والله يعينك يارب
مواضيع مشابهة
تابعي تجارب أخرى من هذا القسم.