هلا وغلا فيكم..
الصراحة محتارة ومدري من وين أبدأ..
المشكلة أن ما أقدر أتكلم مع أي احد قريب مني بالسالفة ذي نهائياً..
يادوب وحده من صديقاتي قلت لها وقالت لي أحذري أن تكلمتي يمكن أنتي تروحين فيها وتطلقين..
فقلت مالي غيركم أخذ راحتي بالكلام وأنا أكيده إن شاء الله بتشورون علي بالشور السليم بإذن الله..
المهم ياطويلات العمر ..
الأمر متعلق بسلفتي يعني زوجة أخو زوجي..
من يوم ماتزوجت ومالي فترة طويلة شردو من عندها ثلاث شغالات مستقدمتهم..
والغريب أن كلهم مافيهم أي عيب ولا اي مشكلة حتى يوم شردوا منظفين البيت وكل شي تمام..
الحين أقولكم وش دخلني أنا بالموضوع..
أخر وحده شردت مالها شهر وسلفتي توقعت أن شغالتي هي السبب وساعدتها .. أنا ماعلي بالأمر إذا جد
أو لا .. بناء على طلبها أستجوبت اللي عندي من يوم قلت لها فلانه شردت شغالتي كان بيدها تبسي
وأشوف يدينها قامت تتنافظ. .. قلت لها يقولون أنك تعرفين قالت لا يا مدام أنا ماعمري تكلمت معها إلى قبل يومين
لأن المدام ما تخلينا أبد نتكلم مع بعض وأني ماكلمتها إلا بناء على طلبها,,
وهذا الشي صحيح لأن سلفتي قالته لي بنفسها أنهم ماقد تكلموا مع بعض إلا يوم هي طلبت منها
عشان تشرح لها كم شي ..
قلت لشغالتي تعرفين شي واللي عندي مره حيية بعدين قالت لي يامدام أنا بقولك..
بس لاتقولين شي لمدام فلانه قلت قولي ..
قامت تقول أنها ما تعطيها رواتب ((وهذا صحيح)) وأنها ماشرت لها ملابس والنوم مره متأخر ومن هالخرابيط..
وأنا لازلت ماهمني شي من اللي قالته ولا أتوقع أنه سبب شرود الشغاله..
ماصحيت إلا حقتي تصيح.. وتقولي يامدام أنا أبي أقولك شي بس أنا مدري صدق ولا كذب.. وأخاف أقولك
تقولين لمستر ومستر يقول لأخوة وتصير مشكلة كبيرة,,
قمت أنا أنهبلت قلت لها أخلصي قولي و ش فيه..
الا هي تقولي الصدمة اللي ذبحتني أخو زوجك يتحرش بالشغالة وهي ورتني ملابسها متقطعه وأنه يجيها الصباح
والمدام بالدوووام... أنا الدنيا ستدارت بي وقلت لها كذب مو معقول يمكن هي تكذب عليك .. وياويلك لو تقولين لأحد..
سكتت وقالت طيب وطلعت..
هي طلعت من هنا وأنا أفك صياح منها تدورن ليش؟؟ لأني متأكده مية بالمية أن كلامها صحيح
بتقولون كيف عرفتي .. أقولكم من يوم تزوجت وهو نظراته لي قذره وأبتسامات مالها داعي وأنا رايحة وجاية على أهلة
ويتعمد يشيل الكلافة بإستهزاء بيني وبينه ويناديني بإسمي بدون ألقاب وهذا عندي غير عادي أطلاقاً في البداية
أستشكيت بألامر بس بعدين لاحظت أنه ما يسلم على سلايفي مثلي وعطيته العين الحمرا لين عرف أني ما أتقبل
أي شي منه ..
حتى لا سلم مارديت وأطلع أجري..
غير كذا متشبب مره بلبسة بشكل ملفت للجميع وكلنا ننتقد ملابسة وبدلاته أنه صبيانية..
يسافر مصر سنويا لمدة لاتقل عن شهر لحالة ويرفض أي مرافق << أنا كنت متوقعه أنه متزوج..
قد قالت لي سلفتي مره أن الحوار بينهم شبة منقطع..
لاوداها السوق يرميها ويروح يدوج فيه لوحده وهي مع عيالها .. وعرة ماوقف معها...
وكذا مره أرجع الصبح وأستنكر وجود سيارته بالموقف .. ولا سألت زوجي شفت أخوك في المسجد
ولا عند أمك يقولي لا..
ااااااااه ياربي اللي قاهرني أحس أنها دارية بس تخبي
وأخاف أقولها تنقلب الدنيا وأنا مو متأكده ولا أقدر أبني كلامي على كلام شغالة وظنون شخصية..
وأخاف هي تكون دارية ومخبية وبالعه جرحها..وأنا اللي أفضحها..
واللي هبل فيني زيادة أن زوجي قالي أن أخوي كان في البيت قبل ساعه من هروب الشغالة..
وسلفتي تقولي واضح من طريقتها أنها مو مرتبة لهروب لأن أغراضها على حطتها بس عبايتها اللي مختفية..
أدري طولت عليكم سامحووووني
دلوووني وش اسوووي والله أحس بقلبي نااااار عليها :icon33:
الموضوع مغلق