للفرح للعز للعرس

بسم الله الرحمن الرحيم

كيفكم اخواتي الغاليات

موضوعي اليوم للفرح الله يديمه ويكتره ببيوتنا وبيوت جيرانا والامه الاسلاميه

كاسات العرسان بطريقه حلوه ومو مكلفه اعملي كاسات فرحك او فرح احبابك

نبدا بالمطلوب : كاسات الها عنق طويل , قطع اورجنزا مزخرفه وملونه حسب ما انت بتحبي , شبر ملون , ورد واكسسوارات مناسبه , فرد سليكون , غراء خشب ابيض , فرشاة رسم , لزيق ورق ( سكوتش تيب )



هلأ نبدا الشغل
بنجيب السكوتش تيب وبنلزقه بشكل مائل عالكاسه وبنترك فراغ بين كل تلزيقه وتلزيقه

[/url



بعد هيك بندهن بواسطة فرشاة الرسم الغراء الابيض على المساحات الفاضيه وبنرش الجلتر البودره عليهم وبنضغط براحة اليد علشان يلزقوا كويس وبنكت الزايد







يتبع

46 تعليق 4,016 مشاهدة

شاركي في النقاش

سجلي الدخول لإضافة تعليق.

التعليقات

46
  1. صاحبة الموضوع
    بنكمل
    بعد شي ربع ساعه بيكون الغرا جف فبنقيم اللزيق وبنجيب قطعة الاورجنزا وبنتنيها من الوسط بحيث تكون جهه اعلى من التانيه بنخلي القصيره شوي للداخل والاطول للخارج وبفرد السليكون بنلزق القماشه على الكاسه متل الصوره







    هلأ بنعمل الشبر على شكل فيونكه وبنثبت بفرد السليكون الورد والاكسسوار وبنلزقهم على الكاسه بالوسط وبيكون هاد الجهه الاماميه للكاسه








    هيك الكاسات جاهزين وعملت بالوان تانيه وردي وفضي







    ان شاء الله يكون الموضوع عجبكم وتعملوا الكم ولأحبابكم آآآآآآآآآآآآمين يا رب

    الى لقاء حبيباتي
    دينا \ عائده عبيده
  2. @drna

    رووووووووووعه تسلم ايديك وان شاء الله تعملي لاولادك واحبابك نورت القسم بأعمالك الحلوة ان شاء الله ايامك كلها فرح عجبتني الوردي تجننننننننننننننن
  3. صاحبة الموضوع
    بسم الله الرحمن الرحيم

    الله يسعدكم ويخليلي اياكم شكرا يا بنت نوره والله يسلمك خيتو ويا قمر يا د.رنا وانت الله يفرحك باحبابك والورد بيحب الوردي وهاد بيدل على نفسيتك اللذيذه المحبه للحياه والمفعمه بالحيوبه وفيها شي من براءة الطفوله هاد ميزة اللون الوردي يا ورد انت
    الله يسعدك ويسعد ايامك وايام كل اخواتنا بالمنتدى
    سلام
    دينا\عائده عبيده

تابعي تجارب أخرى من هذا القسم.