عاد زوجي للعلاج

زوجي عنده الحركة بالحيوانات المنوية صفر وهمبعد عددها مو كافي وايد فيها تشوهات
المهم من فترة وقف المتابعة مع الدكتور آخر فحص سواه كان شهر 11
الحين فكر انه يرجع للعلاج وراح حق دكتوروقال له انه مبدئيا بيعطيه حبوب وأبر الحبوب اهو اوردي كان ماخذها من قبل بس الأبر اول مرة يجرب وانا خايفة وبصراحة اهو ما رد اخذ منه تحليل جديد والحين تقريبا 5 شهور على آخر تحليل اقول يمكن تغيرت شوي النتيجة بيعطيه علاج وبس ، لكن الدكتور قال له ما يحتاج يسوي فحص جديد وانه بيعتمد على الفحوص القديمة لان شنو الي بيغير النتيجة واهو ما تعالج

فما ادري شنو تنصحونا هل ياخذ الأبر وبس قال له لمدة 3 أشهر وعقب يسوي تحليل ونشوف إذا تغيرت النتيجة واذا ما تغيرت بنلجأ لعلاج ثاني ممكن أطفال أنابيب

21 تعليق 1,608 مشاهدة

شاركي في النقاش

سجلي الدخول لإضافة تعليق.

التعليقات

21
  1. @hms_hani

    الله يكتبلكم اللي فيه الخير
    بس ليه مايسوي تحاليل يشوف يمكن اتحسن يارب
  2. صاحبة الموضوع
    انا اقترت عليه انه يسوي تحليل افضل يتأكد

    شكرا عالمرور

    و نسألكم الدعاء
  3. @hmsh_frh

    عندي رقم شيخ يعالج بالاعشا ب وممتاز مرره ويعالج حتى اللي عدد الحيوانات صفر مثل حاله زوجك ...زوجي الحين قاعد يتعالج منه وصراحه شفنا تحسن الحمد لله اذا تبينه ارسليلي خاص\
  4. الله يرزق كل من تطلب الذرية الصالحه ولا يحرمنا منهم يارب العباد


    الله يكون في العون وتذكرو اخواتي اذا الله ماكتب لنا بهم في الدنيا نشوفهم في الاخره
  5. @rtag_14

    حبيبتي لازم يسوي تحليل اول عشان يشوف طيب بلكي العدد و الحركة تحسنوا عنده هو شو خسران

    و بالنسبة للإبر خليه ياخدهم يا ألبي الدكتور اكيد ادرى بحالته و ما حيعطيه اشي الا ليفيده

    الله يشفيه يا رب و يرزقكم الذرية الصالحة يا عمري

تابعي تجارب أخرى من هذا القسم.