علاقات البنات مع الجنس الآخر~~~العاطفة....

~ .. أقـــــــــــــــــــــــــــــــــــــــوال .. ~


محتاجه أحد ..
يحــبنــــــــــــــي ..
و أحبـــــــه ..

\
/

محتاجه أحد ..
أفــضـفــض لـه ..
أشتكـي له ..

\
/

محتاجه أحد ..
يشبـــع عــواطفــــي ..


.
.
.
.

الاسطر الي فوق كلها آراء و أقوال لبنات لهم علاقات مع الجنس الآخر ..

* وحده تتعذر بالحب ..
تبي تحب ..
شخص يحبها ..
تحبه ..


* وحده تبي تفضفض ...

* وحده تبي تشبع عواطفها ..

* وحده كل همها لعب وطيش و وناسه ..
تشوف وتقلد على قولتها تبي " بوي فريند "





الأكـــيــد ..
إن الأسباب الي تدفع البنات لهذه العلاقات كثيره ..


ماهي بنظرك هذي الاسباب ..
الي تدفع البنت للعلاقات ..؟؟

- - - - - - - - - - -


هل هو عدم اشباع لعواطفهم من قبل الام و الاب ..
سواء في الطفوله أو في فترة المراهقه ..
بعضهم يكون عايش ببيت " جـــــــاف "
مافيه حنــــان ..
مافيه عطــــف ..

وهذا بنظري اعتبره سبب ...

هل تتوقع انه سبب يدفع البنت لهذه العلاقات ..؟



مـــســـتـــقــــبــــلا ..

كثير اسمعهم يقولون بنشبع عواطف أولادنا ..
ما نبيهم يعشون مثلنا ..
ناقصين حنان ..
وخصوصا في فترة المراهقه ..
لانها فتره حرجه ..
لازم نتعامل معها بحذر ..


ماهي الطرق الي ممكن تشبع فيها عاطفة أولادك ..
عشان تحافظ عليهم ..
وخصوصا في فترة المراهقه .. ؟؟

- - - - - - - - - - -


آراء ثانيه تقول ان السبب هو ..

المجتمع الي عايشه فيه البنت ( متفتح ) ..
ممكن يكون هذا السبب ولكن مو دائما ..
انا أعتبره عامل مساعد ..
لان البنت المؤدبه و الخلوقه ما في شي يغيرها ..

هل بنظرك انه ..
بسبب المجتمع الي عايشه في البنت ..؟





\
/
\
/


أخـيــــــــــــرا ..

حاولت في هذا الموضوع اني اجمع موضوعين ..
أحس إنهم مترابطين ..
العلاقات ...
و العاطفه ..

أتمنى أنه يعجبكم ..
و إذا كنت نسيت شي..
أو أخطيت ..
السموحه ..تحياتي أختكم لاميون

6 تعليق 3,217 مشاهدة

شاركي في النقاش

سجلي الدخول لإضافة تعليق.

التعليقات

6
  1. @fars_alahlam_1

    اذا تبغي رد من البنات

    هذا هو :

    ابتعاد الام عن البنت هذا السبب الاول

    اهمال البنت وجعلها تجلس لوحدها فترات طويله مع الهاتف

    اما فتره المراهقه ليست صعبه لهذا الحد

    خذو الامور ببساطه

    اذا حصلت البنت على الحنان والحب من اي مكان فانها لن تتردد في الحصول عليه حتى عن طريق الخطأ ( هذي البنت اللي مب واعيه بما فيه الكفايه )

    يعني اذا البنت حصلت على الحنان من الام فانها ستندفع الى امها بقوه

    والام لازم ما تعامل البنت على انها صغيره او هي امها ولازم كلمتها تمشي

    لازم الام تعامل بنتها في هذه المرحله على انها صديقتها

    وآخر شي

    اذا سوت البنت خطأ لازم ما تندفع الام وتقوم بضربها يعني تلف والدور مع بنتها حتى تفهمها ان اللي سوته خطأ

    لان البنت تكون في هذه المرحله حساسه جداً

    الا في حاله وحده هيلما تكتشف الام ان بنتها تعرف شباب او تكلمهم في هذه الحاله لازم الام تكون صارمه وتضربها

    وتخبر ابوها لأن اذا تعاطفت الام مع بنتها في هذه المسأله راح تتمادى البنت وتكلمهم من ورا اهلها

    اما المجتمع فهذا ليس له علاقه ابداً

    لأن البنت المتربيه وتخشى ربها والملتزمه

    فهي تعرف ان هذه الدنيا وهي لا تريدها بل تسعى للآخره

    ((هذا من واقع التجربه)) فأنا بنت صغيره جدًا جداً بس عندي توعيه كامله وشامله

    اسفه على الاطاله

    مع التحيه

    :26:
  2. @lamyon

    صاحبة الموضوع
    مشكورين على المرور أول شي
    سحابة خير:أنا أبي الرد من الأمهات والبنات علشان أشوف وجهة نظر كل وحدة وعلى العموم مشكورة على المرور:21:
    فارسة الأحلام:مشكورة على الرد والمرور الجميل:21:
    أرجو من المشرفين يثبتون الموضوع.
  3. @amal_8

    السلام عليكم ورحمة الله وبركاته..

    اختي العزيزه لاميون..

    بدايه موضوع جميل تستحقين كل الشكر عليه..

    عزيزتي ..الفراغ ثم الفراغ ثم الفراغ ...لكن اي فراغ اقصد دعينا ندخل ببعض التفاصيل

    اولا ..فراغ القلب من ايمانه بالله ..
    فراغ الوقت مما يقضيه بما ينفع صاحبه
    فراغ العقل من القيم والمبادئ الساميه
    فراغ الروح والقلب والكيان لكل فتاة من الاحساس بأنها كيان له اهتمامه

    دعينا نتسأل لماذا تبحث الفتاة عن الحب اليس الحب يعني اهتمام والاهتمام خوف وانصات ومدارات
    عزيزتي عندما تنجرف الفتاة خلف الحب فهي تحتاح شخص يهتم برائيها يسمعه ..يخاف عليه ..يحاسبها ..يهتم لادق تفاصيل حياتها وهذا ماتفتقده اغلب فتياتنا فالجميع في ظل التغيرات السريعه مشغول عن اهله وعن ابناءه

    فما بين قنوات فاسده الا مارحم ربي ..ومابين انترنت من غير رقابه ..ومابين اهل اخر اهتماماتهم بناتهم ..اين تكون الفتاة والى اين تصل ..ايضا لاننسى انعدام الثقافه والوعي فله سبب واثر كبير جدا

    اكتفي بهذا الرد السريع ولي عوده اذا اراد الله

    شكرا لكي اختي
  4. @shabh_khyr_1

    السبب ابتعاد الام عن بنتها

    بصراحه في امهات ماعندهم حنان ابدا لبناتهم ماعندهم كلمه حلوه ياحبيبتي يابنتي
    مافي الا اوامر وسب وبس صح هدا مو عذر لكن هدا من اهم الاسباب طبعا ماننسى الوازع الديني يعني الا عندها وازع ديني ماتتعذر
    والله اعرف بنت اتعرفت على واحد المهم امها عرفت وزعلت منها ووعدت امها وتابت ودحين بعد اسبوعين زواجها من تاب تاب الله عليه


    وكمان من الاسباب المسلسلات والروايات العاطفيه

    في نوع من البناتت اذا احتاجت للعاطفه تقرا روايات ونوع يسوس علاقات


    وبعدين في سبب تاني انو في اهالي عندهم الشي عادي والله اعرف عايله عااااااادي الله لايبلانا

    ومخليه ولدها يقابل بنت عمتو ويكلمو بعض وهدايا وام البنت ماتدري
    طبعا على اساس يتزوجو(شفتي حتى بعض الامهات الله يهديه كانهم مراهقات)

    ومرت الايام وخبطبها وماوافقت عشانو يدرس وغير كده هوه اسود وهيه بيضه وهيه تبغى ابيض زيها يعني كانت تلعب عليه

    هدا راي

    تحياتي



تابعي تجارب أخرى من هذا القسم.