الدنيا ولعت والاسعار بقت نار.....هنعمل اية؟؟ [ اخذ حقه من النقاش ]

السلام عليكم عايزه اعرف ايه افضل طريقه لغسيل الشيشان )الشبابيك( وانا عندي البيبان مدهونه اوستور عايزه انضفهاوالمفروض مايجيش مايه عليها التراب معلم فيها والزجاج الشبابيك والبيبان عندي سلسله ومعزبني الزجاج في المسح وحده في المنتدى قالت افضل طريقه مسح الزجاج بالمساحه بتاعت مسح زجاج العربيات الاقيها فين وبكام :mad: انا انجزت النهارده :angry: غسلت الثلاجه بس كان فيها بقعات صفره رشيت عليها كلور وبرده مراحتش :mad:وجربت طريقة شيماء في الطماطم وفرت مساحه كبيره في الفريزر اصلي كنت شيله الطماطم من غير عصر في الفريزر:39:ادعولي على ما اكمل البقيه:angry:

حبيبتى Egypty .. عضوة هنا بالمنتدى كانت كاتبه طريقتها فى تنضيف الشيش وهى بتلبس زوج من الشرابات القديمه في ايديها وتحضر طبق فيه مبه وصابون .. تحط ايدها فى الميه وتمسح الشيش و تنشف بالايد الناشفه وطبعا الشراب عشان صوابعها تدخل فى الاماكن المستخبيه .. ومساحة الزجاج عند كل محلات الادوات المنزليه ومش غاليه خالص فى حدود خمسه جنيه وهى شبه مساحة الحمام بس على صغير ولها جلده زى اللى بتكون فى الجاروف ابو كاوتشه ... هاهاهاااااه يا سلام عالوصف .. ارجو اكون قدرت افهمك يا قمررررررررر .

على فكرة يا بنات .. التوفير كمان فيه بند مهم ماحدش اتكلم عليه .. ترشيد الاستهلاك فى المرافق والخدمات .. يعنى الميه والكهربا والبنزين والتليفونات وااااااااااه من الفواتير .. عالم فواتير فواتير .. نبدا بالميه ودي من غير كلام اهم نعمه من نعم ربنا علينا وغيرنا بجد مش لاقيها فلازم يا جماعه نحافظ عليها يعنى نعلم اولادنا يقفلوا الحنفيات وماتفضلش مفتوحه مثلا على ما نغسل اسناننا والحنفيات البايظه لازم نصلحها لان نقطه على نقطه بتبقى بحر .. ممكن نجهز طبق ميه كبير وتكون سخنه نحط فيها المواعين والصابون ونغسلهم وبعدين نشطف مش نسيب الميه مفتوحه عمال على بطال .. برده الناس الى عندها مداخل وسلالم مش لازم نستعمل الخرطوم لا ممكن نكنس ونمسح عادى .. لو الهدوم مش كتير كفايه قوي نصف دورة الغساله الاوتوماتيك رهيييييبه فى استهلاك الميه .. لعب الاولاد فى البانيو يوميا كارثه ممكن تقدرى حجمها لو عرفتى ان سعته حوالى 60 لتر .. طب نيجى للكهربا .. طبعا اللامبات الصفراء استهلاكها عالي جدا فممكن نستبدلها باللامبات الفلورسنت الموفره للطاقه وبجد نورها عالى ومريح للعين جدا .. الاجهزه العاليه الاستهلاك زى السخان اللى مش لازم نسيبه مفتوح لحد ما يفصل لان الميه بترجع تبرد وبعدين يسخنها تانى لازم نفصله بمجرد مايتملي بالقدر اللي احنا عاوزينه وكمان من باب الامان والسلامه الشخان لما مابيفصلش ممكن تحصل كااارثه ربنا يكفينا الشر .. فى الجو المعتدل مافيش لزوم للتكييف ومافيش كمان داعي يفضل نور غرفه الاولاد طول الليل وكفايه قوي سهرية صغيره .. طب والتليفون هاهاهااااه والكلام والرغى عمال على بطال اقولكم على سر انالغيت خدمة الزيرو وبقينا نستعمل الكارت للمكالمات الخارجيه والدوليه بجد ادب والتزام وكلمتين وبس والجواب على قد السؤال .. بجد لازم استعمالنا للتليفون يكون كده زى استعمالنا للموبايل .. اه وده كمان اللي بقى فيه منه 2 و 3 فى كل بيت برده كروت الشحن بقت فئات قليله وممكن قوى يا جماعه نستخدم الرسايل لكن هو مش معمول للت والعجن ومجايب سيرة الناس ده بس للضروريات .. تعبت من الكتابه بكرة نكمل باذن الله .

انا نقلتها الموضوع التانى

ماشاء الله يا شيماء

طرقك تحفة ومش هاتنازل عن انك تكونى معانا فى موضوع ستات البيوت اوكى

تقريبا بعمل نفس طرق وعملت كدا فى الطماطم السنة اللى فاتت وفضلت عندى حوالى 7 شهور وفعلا مبشتريش طماطم الا للسلطة وبتفرق كثيرررررررررر

كمان تجميد الخضار نفس طريقتك وبرضو بتفرق كثير اوى

بس استفدت جدااا موضوع الملح علشان سوس الارز كان هيجننى

ربنا يكرمك يارب