تكفون افيدوني في حكم هذي العباية

السلام عليكم ورحمه الله وبركاته

كيف الحال جميعا اتمنى ان تكونوا في احسن حال

الله يسلمكم جميعا

انا فصلت لي عباتين نفس الطول ونفس العرض ونفس كل شي لكن ماانتبهت انها عريضة بشكل ماتخيلونه

مرة مرة وسيعة

وانا موذاك السمنة اقرب مالي على النحف )ماابي اقول رشيقة

والحمد لله عباتي على الراس وعباية اسلامية وواسعة بعد لكن هذي وسعها مرة مرة تقل لابسة خيمة

المهم رحت للمحل اللي فصلها لي ابغاها ياخذ من وسعها شوي قال مانقدر

الا اذا حطينا اسوارة

والاسوارة اشوف الكل دق فيها بس مادري عن حكمها

اللي تصير شوي ماسكة يعني حاولي 3 سم عند بداية الكم

فتكفون الله يخليكم افيدوني بحكمها اذا حلال اولا علما اني ماابي احط زخرفة ولا يحزنون من نفس قماش العباية

تكفون ساعدوني وبنفس الوقت صراحة خايفة اكون دخلت بالحرام وانا مادري

انتظركم بفارغ الصبر الله يجزاكم خير

والله يحرم يدينكم عن النار والله يخليلكم غواليكم

19 تعليق 1,719 مشاهدة

شاركي في النقاش

سجلي الدخول لإضافة تعليق.

التعليقات

19
  1. @aaabdh_llrhmn

    اختي الكريمه السائله عن العباءة الله يسهل امرك حبيت اقولك كلمه لك ولكل وحد سائله عن اسباب نهي او تحريم
    عموما خذيها قاعده الإثم هو (ماحاك به صدرك ) يعني تحسين انه حرام وتبين احد يقنعك انها حلال وإحنا ما شفنا العباءه
    حتى نحكم بس اكيد انتي تعرفي وجوابك تلا قينه بنفسك والله يوفقك ويسعدك وبصراحه عجبني حرصك الله يسعدك .
  2. @akht_alahzan

    صاحبة الموضوع
    مشكورين يالغوالي اللي ردوا والرفعوا الموضوع ماقصرتوا

    والله يجزاك خير اختي عابدة الرحمن على كلامك

    انا مو مسالة ابي احد يقنعني انا اشوفها اللحين كثير على الحريم والبنات

    فيه منهم يطولها وفيه منهم اللي يالله توضح

    بس ولو قارصني قلبي من ناحيتها

    وتناقشنا فيها انا وبنت عمي قالت حطي هالاسوارة قلت لا استحالة حرام

    قالت ومن قال بالعكس هي بتستر عشان اذا رفعتي يدك ماتطلع يدك يصير ماسك عليها في البداية يعني انها ساترة

    وامي يوم سمعت كلام بنت عمي قالت نفس الشي انتي تلبسين قفاز يعني نفس المسالة

    فمادري انا احتريكم الله يجزاكم خير يعني استحالة تصيرون تلبسونها وانتم ما سالتوا عن حكمها

    اسال الله لي ولكم التوفيق والصلاح

تابعي تجارب أخرى من هذا القسم.