ياريت تفيدوني بخبرتكم يابنات الحلال

السلام عليكم ورحمة الله وبركاته خواتي انا واحمد الله على كل حال سقطت ( اجهظت) في الشهر الخامس تقريبا وماتتصورون مدى الألم الجسدي اللي تعرضت له لأن زوجي كان مسافر ومالي احد في بلد الغربة لا اصحاب ولا اهل وكانت هذي البكرية ومالي خبرة ابد بهالأمور المهم ان الألم النفسي اللي حسيت فيه كان اكبر من الألم الجسدي اللي تعرضت له حسيت قطعة مني ماتت المهم ابي الحين نصيحتكم انا الحين قاعد ينزل علي دم النفاس وابي اعرف شلون اقدر اطهر نفسي من هالدم بسرعه وشنو اشرب وشنو آكل وهل في أدوية طبية معينة لازم اخذها لتجنب مشاكل واراض ما بعد الاسقاط . سمعت ان لازم اكل حبوب الحديد لتعويض الدم النازل والمشكلة مطرة اعلج نفسي بنفسي لأن زوجي خواف لو اقوله فيني وفيني بيقعد يبكي ومايرضى يوديني المستشفى لأنه تعقد من امه واخته صادف ان الثنتين سقطوا وراحوا المستشفى وسوا عملية تنظيف وصارت لهم مضاعفات وماتوا مع اني قلتله اكثر من مرة هذا نصيبهم من الدنيا والتنظيف مايذبح ولا شي بس موراضي يقتنع المهم ياريت تساعدوني وجازاكم الله الف خير:29::44:

9 تعليق 762 مشاهدة

شاركي في النقاش

سجلي الدخول لإضافة تعليق.

التعليقات

9
  1. @blue_sky_1

    يا اختي انت سقطتي في الشهر الخامس يعني يلزمك عملية تنظيف والله اعلم يعني لازم تروحي للطبيب حتى لا يؤثر عليك مستقبلا اذا اردت الحمل مرة ثانية
  2. @am_alrmsy

    الله يعوضك ان شأ الله بخيرمن الي راح ويشفع لك بأذن الله

    اهم شي لا تجوعين ابد وحاولي تاكلين شي مفيد علشان تتقوين

    اشربي قرفه وكمون وحليب دافي مع زنجبيل وحلبه وأّذا الجنيين نزل ان شا الله متحتاجين تنضيف
    لان وحده من صديقاتي مات الجنين ي بطنها وقالت لها الدكتوره تحركي في البيت علشان ينزل
    وبلفعل نزل وما احتاجت تنضيف اما يا حبيبتي اذا كان ما نزل ومعك نزيف لازم تروحين للمستشفى
    وروحي للمستشفى وسوي اشعه علشان تتطمنين اكثر
    وطمنينا عليك وما تشوفين شر
    :26:
  3. حبيبتى الشهر الخامس مايسمى تسقيط اسمه ولاده ..!!
    وتتعاملين معامله النفساء من اكل وشرب وكل شيء بالضبط لان الجنين
    تكمل وشكله طفل كامل لكن حجمه اصغر طبعا لذلك لاتهملين نفسك ابدااا اهتمى فى جسمك
    واكلك بالضبط زى الوالد ... والله يتمم عليك الشفاء يااختى ويعوضك خير يارب:26:
  4. صاحبة الموضوع
    السلام عليكم ورحمة الله وبركاته مشكورين خواتي وجازاكم الله كل الخير على ردودكم وانشاءالله بقنع زوجي يوديني الدكتور عشان اطمن اكثر وادعولي بالخير جازاكم الله كل الخير وماتقصرون

تابعي تجارب أخرى من هذا القسم.