معاناة أختي مع بناتها.

المشكلة ان اختي ماهي متفرغة لهم بسبب كثرة الضيوف وشغل البيت واللي اهم من عيالهم ( من وجهت نضر الكبار )

ولو جابت لهم العاب وتركتهم يلعبوا مع بنات اعمامهم لازم ينضربون وتبدء مشاكل جديدة .

والله ماقصدي اقفلها لكن راح اعطي اختي الافكار وتحاول تطبقها وجزاكم الله كل خير .

بقول اختي تحاول تطبق الافكار اللي اخذتها منكم وجزاكم الله كل خير .

المفروض اختك ماتسمح لاي شخص يلمس بناتها من الكبار
او يعاقبهم وان سوو كذا تعامل بناتهم بالمثل يعني لما يطقون بناتها تقوم وتضربهم
انا عندي نفس المشكلة بس في بيت اهلي

والله اسمعي تحافظ على الاسره لكن ماهوب على حساب شخصيات عيالها
لاتتساهل بهالشي
ترى امي الله يجزاها خير كانت كذا وهذا انا وخواني الى الان مع انا كبار نهاب هالناس اللي هم اهل ابوي ولا نقدر ناخذ حقنا لان امي كانت ساكنه مع الحموله وهي اللي تمشي وتسكت دايم وانا الحيين احاول ولدي ياخذ حقه ولا يخاف من الناس مابيه يصير مثلي
ترى هالاشياء تعلق بعقول الصغار ولا ينسونها مع الوقت

تمسك بناتها عندها وتجلسهم جنبها وبعدين بناتها بسن مدرسة يعني شخصياتهن بدات تتكون لازم تنتبه لهالشئ ولاتخلي احد يعاقبهم لان العقاب والثواب للام فقط ومالهم حق يعاقبونهم
تحرص على بناتها وتشتري لهم صور او قصص يلونوها او العاب يركبونها علشان تتحاشى اللعب مع اطفال اشقياء
واهم شئ تعلم بناتها ان اللعب مع الطفل الشقي ممنوع لان ممكن يؤذونهم لاسمح الله