فسروا لي تصرف صديقة عمري ..قبل لا اتهور؟؟

أنا وياها صديقات من ثاني متوسط والثانوي كله والمرحلة الجامعية كلها

تأخرت سنة عني في الجامعة يعني أن تخرجت وهي باقي لها سنة

يوم طلعت نتايجها كلمتها وأنا أحاتي على نااااار قالت لي باركي لي

نجحت أنا ساعتها طرت من الفرح لأن الكلية تسوي كل سنتين حفل تخرج

للدفعتين يعني دفعتي ودفعتها وبنكون مع بعض ..

وقعدنا نسولف عن حفل التخرج وش نلبس وشنسوي و...و...,,

جاتني أختي اللي أصغر مني في يوم وقالت لي أن فلانه(صديقتي)

شفتها اليوم في الكلية وأنا دايما أشوفها (طبعا المفروض أنها تخرجت)

استغربت قلت يمكن عندها اوراق وتاخذ وثيقتها وكذا..

المهم مرت الأيام واحنا نخطط لحفل التخرج ..ويوم الحفل واحنا فيه ندق

عليها ما ترد وبعدين قفلت الجوال...

بعد فترة دقيت عليها وسألتها قالت أن أهلها رفضوا وهي زعلت ونامت ..

على فكرة اسمها ما كان موجود مع اسماء البنات المتخرجين وسألتها

قالت عشاني ما وقعت؟؟؟؟؟؟؟؟؟؟؟؟؟

المهم قبل يومين اتصلت على وحده من البنات لتخبرني بالصاعقة أن

فلااااانه عليها مواد يعني ما نجحت ولا تخرجت ولا هم يحزنون؟؟؟

أنا انصدمت ويوم واجهتا بالحقيقة اول شئ انكرت انكرت بعدين اسكتت

أنا أتكلم واهواش وهي سااااااااااكته..أخر شئ قالت أنا ما أقدر اتكلم

اللحين بكلمك بكرة ...ومن يومها جوالها مقفل وما ترد على أحد

الله يخليكم بنات قولوا لي ليش سوت كذا؟؟

تبي تخبي علي أنها راسبة كيفها بس ليش تعيش دور المتخرجة؟؟

بلبس كذا وبسوي شعري..واشتريت عباية التخرج..واسمى مو موجود

عشاني ما وقعت؟؟؟؟؟؟؟؟؟؟؟؟؟ليه الكذب لييييييييييييييييه؟؟

بنات أنا منصدمة خويت عمر تسوي شغل هالأطفال..

والله ماني متخيله ..أبي لها عذر واحد قدام نفسي عشان أعذرها واللي

زاد الطين بله سكوووووووتها ..عمري ما تخيلت إن هالشئ يصير ومن

مين..... منها؟؟؟؟؟؟؟؟؟؟؟؟؟؟؟؟؟؟؟؟؟

يا خسارة العشرة بس يا خساااارة:icon33::icon33: