بصراحه اللى يقول مايبي الزين ماعنده سالفة لكن!!!
انا دايم اتابع هالملف
بصراحه فيه اشياء معقولة وأشياء مبالغ فيها مثل حركات النفاس
والله الوحده تكون بحالة من التعب والآرهاق
وهالفن المبالغ فيه بالتقديم ماحس له داعي
الحمد لله على العافيه
الكلام ماراح يعجبكم لكن الشكر على نعمة العافيه يكون بصدقة لمسكين تدفع عنك ومولودك الشر تكون احسن
هالتميز اللى كسر ظهور الناس ماله داعي والله ريحوا انفسكم الدنيا ماتبي كل هذا
ترا ان من اكثر الناس اللى ذاقوا المر ركضآ
ورا هالتميز وبالآخير اقتنعت بشي
ان البساطه تريح النفس فعلآ
ماانكر ان الكل يدور على الشي
الزين ولا احد يكرهه لكن بحدود المعقول
وبدون اسراف
والله اسمع وحده تشكي قبل كم يوم يبون مكيفات ذبحهم الحر لآن بنتهم مصابة بالخبيث وتعبت مره بسبب الحر
مايقدرون يشترون مكيف وحنا ندفع ألاف للحلويات والصبابات والغريب والجديد
احمدوا الله على العافيه وأكثروا من التصدق خاصة أيام النفاس وبعد الولادة وبتشوفون نفسياتكم شلون ترتاح
والضيافه بحدود المعقول احسن
االمهم والله عندي أفكار كثير ه وحلوه
ولا تكلف لكن احتاج وقت اعرضها لكم..وكلها من افكاري ....
لآن تجارب الحياة تعلمنا الكثير
حبيت اقدم نصيحه واللى بتتقبلها واللى ماراح تتقبلها
لكنها الحقيقة والواقع لا تشغلون انفسكم بهالآمور
لآنها تستهلك الطاقة فعلآ غير الوقت
والمال اللى يصرف باسراف عشان الناس يقولون تميز
الله يوفق الجميع لكل خير ويعمر اوقاتنا بطاعته
ان لقيت وقت رجعت لكم بأذن الله
وشوفوا هنا ملف خاص لي من زمان نزلته ترى فيه أفكار رهيبه لا تفوتكم
O♥ملف شامل لهموم الأفراح والمناسبات,وأفكار مميزه للحفلات+روائع الضيافه♥