حبيبتي جزاك الله خير
و ما اختلفنا ان نيتهم لفت الأنظار و ان اللي يسووه غلط و حراااااام
و شي بديهي ان اللي تسوي كذا تبغى أحد يتحرش فيها , و بعدين تشتكي ليش تحرشوا !!
أنا ضد هالبنات الله يستر عليهم و يهديهم
أنا اللي قصدته
ان أسلوب النصح و الارشاد ما يجي بهالطريقة لأنها غلط !
و الغلط ما يتعالج بغلط .... و الحرام ما يتصلح بحرام ...
الأمر بالمعروف و النهي عن المنكر لهم ناسهم
و هالموضوع اذا انتشر و الناس شجعت الفكرة
راح يجي كل من هب و دب من هالشباب الصايع
و يخلي موضوع الكلوركس حجة لملاحقة البنات
سواء محتشمة أو غيرمحتشمة
و من قال ان المحتشمة ما تتعرض للمضايقات ؟
أنا و الحمدلله لباسي اسلامي شرعي محتشم جدااااا
و أكثر الأوقات لو مشيت لوحدي في السوق دقايق و يكون زوجي معي بس بمحل ثاني مثلا ...
لازم أسمع لي كلمة من واحد حتى ما يهمه وش تحت العباة أهم شي يغازل ! و الله حتى وجود أولادي معي ما يردعهم !!
والله أذكر إن زوجي كان مستعجل و يمشي قدامي بكم متر و أنا أحاول ألحقه و أسرع بعربية ولدي ... الاّ واحد مر جنبي يقول "والله سريعة البنت , أبغى توصيلة" ....
و مرة كنت أنتظر زوجي كان داخل محل جوالات زحمة و أنا برّة عند الباب , فتحت الكيس أطالع اللي شريته الاّ واحد يسوي نفسه يكلم بالتلفون و يقول "وش تطالعين داخل الكيس ؟؟ وش شريتي ؟؟" ...
ومرة رجعت البيت و لقيت في الكيس ورقة صغيرة فيها رقم , مع إني ما فارقت زوجي ذاك اليوم !! مدري متى و وين حطها قليل الأدب !
يمكن صحيح ما تكون المضايقات مباشرة لأنهم يجسوا النبض في البداية اذا شافوا البنت محتشمة , لكنها بالنهاية مالها مسمى ثاني غير المغازل و التحرش ...
أنا اشوف ان اللي يسووه شباب الكلوركس لهم فيه مآرب أخرى و الله أعلم !
لايفوتكم حملة شباب الكلوركس من الشباب للبنات الي يلبسون عبايات مخصره
متابعة النقاش، صفحة 48