السلام عليكم كيفكون اخواتي انا سورية و اول مرة بسمع عن الحمام السوري :) بعرف الحمام المغربي اما السوري ماسمعت عنو :icon28: بس بقدر اعطيكون فكرة عن كيف كانت امي و ستي يتحممو لانو متل ما بتعرفو انا من بنات هادا الجيل و ما عندي خلق اعمل متل ما كان يعملو دائما , يعني كل فترة بتنشط و بتحمم متلون :icon28:
طبعا الكل بيعرف الكيس الاسود الي بيستخدم بالحمام , بتقدرو تلاقوه اظن من الجمعيات و من عند العطارين , بس لازم الكيس ما يكون كتير ناعم ولا كتير خشن يعني يكون وسط ... تاني شي و انتي عم تتحممي اول شي عملي شعرك بالشامبو العادي شي مرتين (لا تحطي بلسم) مشان ما يعمل طبقة على جسمك , يعني ببساطة خليكي تحت المي فترة لحتى يرطب جلدك و يتشتش شوي ... و بعدين افركي جسمك كلو بالكيس بشكل منيح لحتى تطلع فتايل :22:هالفتايل هاي هيي الجلد الميت و بعد الكيس بتتليفي بالليفة الي بتشبه الليفة تبع الحمام المغربي , يعني ما الليفة تبع لوكس و دوف و هالمسخرة هاي .... ما بعرف شو بيقولولها وملاحظة مهمة : ما بصير تفركي جسمك بالكيس بعد ما تتليفي , لازم قبل , لانو الصابون بيعمل طبقة عالجسم
و بس ..... هاي هيي الطريقة الي بعرفها ... يعني اهم شي انك تتفركي بالكيس مشان تشيلي الجلد الميت و بعدين بتتليفي بالصابون بليفة ماكنة و هاي الطريقة هي نفسها يمكن الي بيستخدموها بالحمام المغربي الي بيعملوه بالصالونات ... انو بخلو الجسم يتشتش و يترطب من حمام البخار و بعدين بينزلو دعك لحتى يشيلو الجلد الميت :22:يعني نفس طريقتنا و الله بتذكر امي الله يذكرها بالخير لما كانت تحممنا ... تفرك جسمنا بالكيس لحتى يصير لونو احمر ,,, الله وكيلكون حسن جلدي كانو طلع من محلو :(:(:(
على فكرة ,,, البياض ما هوي اساس الجمال و الشغلة ازواق طبعا ,,, جمال البشرة بالاعتناء فيها (شوفو مين عم يحكي:09:) يعني والله وحدة بيضة و بشرتها بتقرف بتطلع مابتسوى شي قدام وحدة سمرة و بشرتها حلوة صح و الا لا :icon28: