شابورة بالتمر ..........................لشويهي العصر

:cook:السلام عليكم ......

عندي لكم طريقة شابورة حلوة للشاهي وميزتها انها سهلة وشكلها حلو لو بتقدمينها مع الشاي لضيوفك ووبعدين تقدرين تحفظينها وقت طويل ماتتغير ..........

المقادير:
ضعي في الخلاط:
3بيضات
نصف كاس زيت
نصف كاس سكر
فانيليا \شوي هيل\شوي زنجبيل
عشر تمرات طبعا شيلي الفصم لاينكسر الخلاط وتدعين علي :42

.....................................................................................
في زبدية:
اثنان ونصف كاس دقيق ابيض ويمكنك استبداله ب(كاسين دقيق برونصف ابيض)
ملعقة صغيرة بكينج بودر
ملعقتين حليب بودرة و شوي حبة سوداء
........................................
يعجن مافي الخلاط مع اللي في الزبدية ويتكون معك عجينة طرية ,
تكورينها كور ثم تبرمين كل كورة بين راحة اليدين بتصير مثل الاصبع وتحطينها في صينية الفرن الكبيرة بعد ما تدهنينها ثم ترصين باصبعك عشان يصير شكلها مثل عيون المها بس على اكبر وهكذا تكملين باقي العجينة ثم تخبزينها بالفرن بس انتبهوا تراها ماطول على طول تستوي ثم حمريها من فوق واحفظيها في برطمان وبالعافية.......

59 تعليق 17,666 مشاهدة

شاركي في النقاش

سجلي الدخول لإضافة تعليق.

التعليقات

56
  1. @abeer_najd

    وعليكم السلام والرحمة

    ماشاء الله عليك شكلها لذييييذه وسهله
    بصراحه شهويتيني لشويهي العصر

    بأسألك الله ييعينك علي واسئلتي
    الله يجزاك خير تحمليني

    اقدر استغني عن السكر مادام فيه تمر ؟؟
    اقدر احطها كلها بر ؟؟
    وكم طول الاصابع يعني مثل شابوره المخابز ولا اقصر ؟؟
    ادهن الصينيه ولا الزيت بالعجينه يكفي ؟

    ادري طولتها معك لكن انت كريمه وباذن الله حنا نستاهل


    شاكرة ومقدرة لك


    :26: :26: :26:
  2. @noralbyt

    صاحبة الموضوع
    اهليييييييييين اختي عبيرنجد...
    والله يحييك مستعدة لاي سؤال( بس لاتكون اسئلة الرئاسة):17:

    الاجوبة:
    ممكن تستغنين عن السكر او تقللينه عشان ما تكون ماصلة.
    ممكن تحطينها كلها بر بس اخاف تكون قاسيةمرة لان الابيض يعطيها ليونة شوي بس مرة سويتها كلها بر وصارت حلوة .............

    الشكل النهائي للشابورة بيصير مثل عيون المها يعني مثل شكل ورق الشجر مومثل الاصابع والطول طول الاصبع يعني اول شي تقطعين من العجينةكورة( مقدار ماتقطعين للبيتزا القروص الصغيرة)ثم تكورينها براحة يدينك ثم تبرمينهابين يدينك بتكون مثل الاصبع حطيها الحين بالصينية ثم رصيها باصبعك السبابةاو الابهام من الوسط عشان تعرض في الوسط والاطراف تكون مدببة يعني مثل عيون المها (الحلى )بس اكبر شوي ....ان شاء الله فهمتي تراها سهلة بس انا بربرتي واجدة ماانفع اصير مدرسة................

    والصينية لازم تدهنينها عشان ما تلصق واحسن شي صينية الفرن السوداء الكبيرة لان المقدار بيملاها ...
    واذا صلحتيها وضبطت ردي علي وبالعافية............
    :26: :26: :26:
  3. @abeer_najd

    الله يجزاك خير ويسهل امرك ويرزقك ماتتمنين
    ماقصرتي كفيتي ووفيتي
    وباذن الله اصلحها باقرب وقت
    مشكوووره يانور البيت


    :26: :26: :26:

تابعي تجارب أخرى من هذا القسم.