الحوامل الموظفات ممكن تدخلون .. تجاوبوني

موضوع حلو ابصراحة انا احاول ماآخذ إجازات مرضية انا الحين ببداية السادس وحاطة في بالي في الصيف بتعب اكثر بسبب الحر اعرف عمري مااتحمل وامرض من الحر عسب جي اميمعة إجازاتي المرضية لأن حتى المرضية نحن عندنا ليميت اتخيلوا

بس ببداية الحمل بسبب الوحام ابصراحة غبت 8 ايام تعب واستفراغ غصبن عنج

والحين يوم عندي موعد ابصراحة مااداوم لأن مايستاهلون وجي ولا جي مايقدرون فشو الفايدة هههههههه يعني مايهموني بس من غير سبب مااغيب الحمد الله والله ايعينا على التعب :44::icon33:

الله يعينكم ,,

انا بالبيت ومو قادرة انحني اشيل شيء ولا امشي كثير ,,
والام ظهر واسفل بطن وضيقة خلق وحر الحمدلله على كل حال الله يأجرنا
حتى الصلاة يالله أصلي ,, قبل الحمل كنت اتمنى الوظيفة ولازلت لكن
الحمدلله ماجاتني قبل ما احمل ,, بصراحة تعببببببببببببببببب ما ادري
يمكن عشانه الاول ما ادري بصراحة ,, لكن الله يهون علينا وعليكم

انا بقولك نصيحه في حاجه اسمها قانون العمل تصدره الدوله ممكن انك تسالي عن قانون العمل تبع الدوله اللي انتي فيها وتسألي عن حقوقك وواجباتك واعتقد ان المرأه الحامل لها حقوق كثير وزي ما احنا بنراعي واجباتنا ومهتمات بالعمل ضروري كمان تراعي حقوقك وتسالي عنها ، انا مثلا اخذت قبل فتره اجازه عشره ايام متواصله لاني تعبت والان خليت الدكتوره تكتبلي لايت ديوتي يعني دوام خفيف لاني ما اقدرش استحمل الجلسه الكثير على الكرسي وعرفت اني يحق لي اخذ اجازه بمرتب كامل قبل تاريخ الولاده بأسبوعين وبعدها عندي اجازه وضع سبعين يوم بأجر كامل وزياده عشرين يوم لو انا ولدت بعمليه او تعبت في الوضع بس ***** الله الله يسهلها لي ، وبعد الوضع عند اجازه مرضع يعني نص دوام لمده ست شهور .طبعا هذا كله لاني سالت عن حقوقي ولا غير كذا ما حد كان ممكن انه يقول لي، ضروري المرأه هي اللي تسأل عن حقوقها زي ما هي تعرف واجبتها . معلش طولت عليكم بس انا حبيت انصح

والله جيتو على الجرح ... انا بالشهر السابع وكل شهر بغيب يوم او يومين... بس احس بنظرات قاتله لما ارجع الشغل ... حتى يوم ما اغيب ما اتهنى... 100 تلفون واحس بالذنب و اتوتر!!!

الكتوره تقولي عندي عنق الرحم قصير 2 سم وطري ولازم اجلس بالبيت لين اولد... بس انا مو عارفه ايش اسوي... يعني الواحده تنتحر علشان تلاقي شغل زين ... والله خايفه ارجع ادور شغل من اول وجديد.........

ادعولي ربنا يثبت البيبي للتاسع...والله يهون على كل وحده تشتغل والله معاناه وما في حد يقدر حتى الزوج ما يحس معاكي...

في الشهر السادس ومن بداية حملي للحين ما غبت الا يوم واحد بسبب الزكام والصداع النصفي والحمدلله ما فيني الا العافية واحس نفسي خفيفة والحمل مو مبين علي. احس انه افضل ننشغل بشي وتمر الشهور بسرعة :) الله يسهل علينا الحمل والولادة.