للموظفات كيف تطلبون مصروفكم؟؟ (عروسه تبي نصايحكم)

عندك طريقتين .. اما ان تأخذي منه مصروف البيت وتكملي عليه من معك وتتحكمي انت في كل شيء وتشتري كل شيء بمعرفتك أو تتركي له الانفاق على البيت على ان تتولي انت مصروف شيء محدد كان يكون عليك راتب الشغاله مثلا او مسؤولة عن فاتورة كذا وكذا فقط ..

اما ان تعطيه في يده مال من راتبك شهريا فهذا في غير صالحك كما ان من الضرر الكبير ان تجعلي مصروفاتك مسؤوليتك انت فقط ..

اذا كانت حالته الماديه لاتسمح بان تعيشي في نفس المستوى الذي اعتدت عليه فتنازلي عن بعض متطلباتك خير لك من ان تكملي من معك فيعتاد على الاخذ منك ومن المستحيل بعدها ان يتوقف ..

لاتتركين الوظيفة حسافة

شوفى مهما طال الزمن او قصر بتصرفين عليه وعلى اللى وراه
هذول الرجال مايبون بيد حريمهم ريال واحد
اختى زوجها طلع سياره اخر موديل ب140الف
اقساط على راتبها
اربع الاف شهرى تقطع من راتبها
ويسافر لحاله بسيارتها ويخليها منطقه بالبيت هى وعيالها

شوفي حيبتي... الفواتير كلها من الى عليه الشغاله السواق مصاريف المستشفيات اذا لاسمح الله احتجتي لها مقاضي البيت يعني الاساسيات ابد لاتفكرين تدفعين فيها ولا ريااااااااااال...وهو من نفسه راح يتولاها

السوق اذا هو معاك هو يحاسب حتى عيب قدام العالم هو معاك وانتي تحاسبين...

اما الكماليات من سفر ومطاعم ولبس وغيره هذا ممكن تساهمين فيه برغبتك...يعني لاتعودينه انو والله بنروح مطعم تاخذين الفاتوره وتحاسبين لا بمزااااااااااااجك متى ماقلتيله عازمتك وقتها ادفعي...السفر اذا خلص حجوزات وكللللللللشي ممكن تقولينله هذي بطاقتي علشان بدل مانسكن في الفندق اللي اخترته ابي فندق لرقى وعلي الفرق...يعني عوديه انو مايعتمد على راتبك او يطلب منك ....الا الا الا اذا كان مزنوق ومحتاج وقتها قوليله انا كلي لك مو فلوسي بس وادفعيها بنفس راضيه ومو سلف لانه يظل زوجك وتنازل عن بعض الامور في سبيل راحتك ووظيفتك فمن حقه انو اذا احتاج يلاقيك واقفه معاه


وبس